Beskrywing

Princess Holiday Home bied gerieflike selfsorgverblyf in 'n lieflike drieslaapkamerhuis in die voorstad Richwood in Kaapstad. Die perseel is 11,3 km van Bloubergstrand af en 5,2 km van Milnerton af.

Die smaakvol gemeubileerde huis beskik oor 3 slaapkamers en het slaapplek vir 6 gaste. Daar is 1 slaapkamer met 'n koninggrootte-bed, 1 met 'n dubbelbed en nog 1 met 2 enkelbeddens. Bad- en stortgeriewe is beskikbaar. Die huis beskik ook oor 'n sitkamer, eetkamer en 'n kombuis. Die kombuis het 'n ontbyttoonbank en is met 'n yskas, oond, stoof, mikrogolfoond, koffiemasjien, ketel, broodrooster en 'n wasmasjien toegerus.

Daar is ook onbeperkte WiFi en 'n Slim-TV met Netflix. Gaste kan in die lieflike tuin en om die swembad ontspan, of van die braaigeriewe gebruik maak. Daar is parkeerplek vir 4 voertuie op die perseel agter 'n afstandbeheerhek en voetganger-hekkie. 'n Sekuriteitskamera, alarmstelsel en sekuriteitsligte beveilig die huis.

Restaurante in die omgewing sluit Mountain View Farm, Durbanville Hills Restaurant en Wynmakery, en De Grendel Wynlandgoed en Restaurant in. Gaste kan ook die Royal Burgundy Mashie-gholfbaan, DG's Village Pub en Plattekloof Village Winkelsentrum besoek. Die ligging bied toegang tot Canal Walk Winkelsentrum, V&A Waterfront, Melkbosstrand, Tafelberg, Leeukop en Kampsbaai se strand - alles tussen 10 en 30 km ver. Kaapstad Internasionale Lughawe is 20,2 km ver. 'n Lughawe-pendeldiens en privaat dagtoere kan gereël word.