Beskrywing

Rendezvous is 'n moderne selfsorg-vakansiewoonstel aan die oewer van die Boesmansrivier in 'n stil keeromstraat. Die woonstel is op die onderste verdieping van 'n dubbelverdiepinghuis en het 'n privaat ingang. Die woonstel is heeltemal apart van die boonste verdieping en het die eksklusiewe gebruik van die onderste dekke wat die uitkykdek insluit. Aangesien dié huis die eienaar se vakansiehuis is, is die eienaars by tye woonagtig in die boonste eenheid. Ten spyte hiervan bly die onderste verdieping heeltemal privaat vanweë die luike wat op die boonste uitkykdek geïnstalleer is.

Die woonstel het slaapplek vir 8 gaste (ideaal 4 volwassenes en 4 kinders) en beskik oor 2 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n koningingrootte-bed, die tweede slaapkamer het 2 enkelbeddens en daar is 2 stapelbeddens in die leefarea. Die een badkamer het 'n bad en 'n stort, en die ander het net 'n stort. Badhanddoeke word voorsien, maar gaste moet asb. hul eie swemhanddoeke saambring.

Die eenheid is ten volle toegerus en het al die nodige beddegoed, breekware, eetgerei en kookgeriewe. Kookgeriewe sluit 'n mikrogolfoond, 2 induksiestoofplate, 'n konveksieoond, lugbraaier. 'n kisvrieskas, 'n pizza-steen wat op die gasbraai gebruik kan word, 'n elektriese braaipan en 'n toebroodjierooster in. 'n Wasmasjien word ook voorsien.

Daar is DStv Now en Netflix in die eenheid beskikbaar. WiFi is teen ekstra koste beskikbaar.

Die buitenste dekarea word onder slot en grendel gehou en word op eie risiko gebruik. Vir ekstra veiligheid is daar 'n hekkie op die paadjie wat na die uitkykdek lei.

Daar is parkeerplek op die perseel vir 2 voertuie of 'n voertuig en 'n boot. Die eenheid het 'n 24 uur gewapende reaksiediens.

Troeteldiere word nie toegelaat nie, asook nie draagbare braai's nie aangesien oop vure nie toegelaat word nie.

Boesmansrivier het oorgenoeg plek om te verken soos die Boesmansriviermonding met sy prag-sonsondergange en skouspelagtige uitsigte oor die kuslyn. Gaste kan ook 'n staptog by die Joan Muirhead Natuurreservaat geniet.