Roratau Tented Bush Camp

Tentekamp

Gratis kansellasie tot 1 week voor jou verblyf!
Kapasiteit: 16 persone
Geen kinders onder 12
Inkloktyd: 14:00 tot 19:00
Uitkloktyd: 10:00
Adres: Welgedacht-plaas, Langs die R628, Tshwane, 0001, Gauteng
Vanaf R1 300 per nag, vir 2 mense
TGCSA-gradering:

Beskrywing

Roratau Tented Bush Camp is in die Leeuwgedacht Bewarea en bied verblyf in gerieflike permatente.

Daar is 5 tente met 'n elektriese heining, Koedoe en Sebra wat albei slaapplek vir 2 het, en Blesbok, Blouwildebees en Rooibok wat almal slaapplek vir 4 het. Die tente met slaapplek vir 2 beskik oor koningingrootte-beddens, en die tente met slaapplek vir 4 gaste beskik oor koningingrootte-beddens en 2 enkelbeddens. Elke tent het 'n en suite-badkamer met 'n stort, en linne en badhanddoeke word voorsien. Gaste moet asseblief hulle eie swemhanddoeke saambring.

Elke tent het 'n kombuis wat met 'n tweeplaatstoof, yskas, eetgerei en breekware toegerus is. Daar is egter nie mikrogolfoonde nie. Elke tent het ook braaigeriewe langs die privaat swembadjie wat deur die son verhit word, sowel as skadu-parkeerplek. Hout en ys is by die kamp te koop.

Daar is 'n boma met 'n braai-area vir groepbesprekings en daar is 'n restaurant en kontantkroeg met DStv stapafstand vanaf die tente by die aangrensende lodge en dagspa.

Roratau beteken "plek waar die leeus brul" en is ideaal as jy snags die leeus, hiënas, jakkalse en uile se geroep wil hoor. Die kamp spog ook met 'n hele klomp ander wildspesies, soos koedoes, rooihartbeeste, blouwildebeeste, blesbokke, sebras, kameelperde en vlakvarke wat vanaf die tente gewaar kan word. Daar is 'n hele rits voetslaan- en bergfietsroetes in die omgewing en wildritte kan op versoek gereël word.

Ongelukkig word geen selfry-wildkyk toegelaat nie. Wildritte kan by die kamp bespreek word.

Kry ’n Kwotasie