San Lameer Villa 14117

Beskrywing

San Lameer Villa 14117 is 'n eksklusiewe selfsorgvilla op die San Lameer Estate. Dié subtropiese paradys met wild, fauna, flora en voëls is aan die Suidkus van KwaZulu-Natal geleë en het iets om die hele gesin te bied. Die natuurbewarea van 200 hektaar spog met 'n 18 putjie-kampioenskapgholfbaan, 'n hotel met 'n spa, restaurant en 'n kroeg, luukse villas en direkte toegang tot 2 Blouvlagstrande.

Die villa bied slaapplek aan 6 gaste en beskik oor 3 slaapkamers en 3 badkamers. Die hoofslaapkamer het 'n dubbelbed en die tweede slaapkamer het 2 enkelbeddens. Albei slaapkamers het en suite-badkamers met baddens en storte. Die derde slaapkamer het 2 enkelbeddens en dié gaste gebruik die derde aparte badkamer wat 'n stort-oor-bad het. Gehaltelinne en badhanddoeke word voorsien, maar gaste moet hul eie swemhanddoeke saambring.

Die oopplan-leefarea met lugversorging het 'n kombuis wat met 'n stoof, oond, mikrogolfoond, yskas-vrieskas, eetgerei en breekware toegerus is en 'n toonbank met stoele het. 'n Skottelgoedwasser is ook beskikbaar. Die kombuis lei na 'n knus sitarea met gemaklike sitplek en 'n TV met DStv. WiFi is beskikbaar. Daar is 'n klein omsetter wat krag aan die TV en DStv voorsien.

Die leefarea lei na 'n onderdakstoep met 'n etenstafel, ingeboude braai en 'n uitsig oor die lowerryke omgewing. Daar is ook 'n houtdek, plonspoel en veilige parkeerplek.

Ontspan by die landgoed se gemeenskaplike swembaddens of braaigeriewe en bewonder die pragtige uitsig. San Lameer bied ook lowerryke tuine vir piekniek, 'n speelarea vir kinders, fietse te huur, 'n visdam, voëlkykdam en staproetes.