Beskrywing

Sancor Selfsorg 3 is 'n selfsorgwoonstel vir 1 of 2 gesinne van tot 6 gaste in Santosstrand, Mosselbaai en is net 300 m van die see af.

Die woonstel het slaapplek vir 4 volwassenes en 2 kinders, en dit beskik oor 2 slaapkamers, 2 badkamers, 'n kombuis en 'n sitarea. Die ruim hoofslaapkamer bied toegang tot 'n onderdakstoep en het 'n koningingrootte-bed en 'n en suite-badkamer met 'n hoekbad, stort en 'n toilet.

Die tweede slaapkamer het 2 enkelbeddens wat as 'n koninggrootte-bed opgemaak kan word en gebruik 'n tweede badkamer met 'n stort en 'n toilet. Daar is 2 dubbelslaapbanke vir 2 kinders in die sitarea. Linne en badhanddoeke word voorsien en gaste moet asb. hul eie swemhanddoeke saambring.

Die oopplan-kombuis is met 'n stoof, oond, mikrogolf, yskas, skottelgoedwasser en tee- en koffiemaakgeriewe toegerus. Gaste kan hul maaltye by die etenstafel geniet.

Die sitarea het 'n TV met vol DStv-kanale en bied toegang tot 'n stoep met 'n uitsig oor die see en hawe. Daar is gratis WiFi en binne-braaigeriewe.

Veilige parkeerplek word voorsien en die woonstel het 'n sekuriteitstelsel.

Daar is 'n kinderspeelarea wat gaste gratis kan gebruik. 'n Toegeruste waskamer is ook gratis aan gaste beskikbaar en 'n wasgoeddiens kan teen 'n ekstra koste gereël word.

Mosselbaai bied verskeie doendinge soos die Bartlomeus Dias Museumkompleks en die Posbusboom, die Kaap St. Blaize Vuurtoring en die Garden Route Casino. Gaste kan in die omgewing 'n potjie gholf speel, vryval, haaihokduik, hengel, 4x4, voetslaan, sandplankry of die Langeberg Mall met sy verskeie winkels en restaurante asook die winkels in die dorp besoek.