SANParks Addo Narina Bush Camp

Tentekamp

Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Addo Olifant Nasionale Park, Addo, 6105, Oos-Kaap
Vanaf R1 697 per nag, vir 2 mense

Beskrywing

SANParks Addo Narina Bush Camp bied 'n plattelandse ervaring in 'n toweragtige woud. Dié nasionale kamp skuil aan die voet van die Zuurberge en aan die Witrivieroewer.

Dis sowat 25 km vanaf die Addo Ruskamp en nie in die Groot 5-area nie - daar kom dus nie grootwild hier voor nie. Narina bied 'n vreedsame wegbreek in 'n woud met 'n ryk voëllewe. Kleinwild, soos duikers, bosbokke en bosvarke kom wel hier voor.

Daar is 4 seiltente en elke tent het 2 enkelbeddens. Daar is geen elektrisiteit nie en die kampligte gebruik sonkrag. Daar is 'n gemeenskaplike paraffien-stort en 'n aparte toilet. Daar is ook 'n sentrale grasdak-kombuis in die kamp met 'n gas-yskas, gasstoof, eetgerei, breekware en kookware. Die kamp het ook 'n lapa met 'n vuurput en braai-area.

'n Sowat 25 km-grondpad lei tot by Narina en al is dit nie nodig om 'n 4x4 te hê nie, moet jou voertuig 'n hoë grondvryhoogte hê om op die pad te kan ry.

Kry ’n Kwotasie