SANParks Balule Rest Camp

Selfsorg

Kapasiteit: 108 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Balule Satellite Camp Road, Krugerwildtuin, 1360, Mpumalanga
Vanaf R394 per nag, vir 2 mense

Beskrywing

Die Balule Rest Camp is 'n klein satellietkamp in die wêreldbekende Krugerwildtuin met die pragtigste topografie. Dié naam, Balule is vernoem na die Tsonga-woord vir die Olifantsrivier en die kamp is een van die beste plekke om natuur eerstehands te ervaar. Dit is so te sê in die middel van die park geleë, net suid van die Olifantskamp en naby die Olifantsrivier.

Daar is slegs die basiese geriewe sonder elektrisiteit en 'n lae heining is die enigste ding wat tussen gaste en die wildernis kom. Dit sorg vir 'n ware, primitiewe ervaring. Dit is juis die unieke wildernis-gevoel wat rugsakreisigers en die karavaan-gemeenskap lok, asook gaste wat net wil wegkom.

Die kamp het 'n gemeenskaplike kombuis met 'n opwaskamer, gasstowe en 'n gemeenskaplike vrieskas. 'n Ablusieblok is beskikbaar. Alhoewel daar geen elektrisiteit in die kamp is nie, word lanterns verskaf. Braaigeriewe is beskikbaar.

Kry ’n Kwotasie