Beskrywing

SANParks Steytler Cottage is in die Weskus Nasionale Park, 'n kort entjie se ry van Kaapstad af. Daar is wit sandduine, skaars fynbos, 'n potblou strandmeer, groen vleiland en rollende branders wat 'n treffende natuur-ervaring verseker. Die park is 'n paradys vir natuurliefhebbers wat wil voetslaan, fietsry en voëlkyk.

Langebaan se strandmeer is net 'n entjie van die kus af by Saldanabaai se hawe en 1,5 uur se ry van die Kaapse middestad af. Dit is sowaar die fokuspunt van die Weskus Nasionale Park, maar dié park het ook ander besienswaardighede wat geskik is vir alle ouderdomme en vir diegene wat die natuur van nader wil bewonder.

Steytler Kothuis is onlangs opgeknap en bied selfsorgverblyf vir 2 volwassenes en 2 kinders by die Geelbek-stalle. Dié kothuis beskik oor 1 slaapkamer, 1 badkamer en 'n oopplan-kombuis, -eetarea en -leefarea. Die kothuis het kragtoevoer. Daar is 'n dubbelbed in die slaapkamer en die badkamer het 'n stort, toilet en 'n wasbak. Die kombuis is toegerus met 'n stoof, oond, yskas-vrieskas, mikrogolfoond, ketel en 'n broodrooster. Die leefarea het 'n dubbelslaapbank wat slegs vir kinders geskik is en 'n kaggel wat ook as 'n braai gebruik kan word.

Die Geelbek Restaurant is in die park langs die prentjiemooi Langebaan-strandmeer geleë en bied 'n pragtige uitsig van die park, die strandmeer en die area met sy horison vol flaminke, voëllewe en wild. Hierdie Kaaps-Hollandse gebou is 'n nasionale monument en is bekend vir die kenmerkende Afrika-geure van sy disse. Onder die nuwe bestuur van Rassie Erasmus en sy span, bied hierdie restaurant 'n sensasionele fynproewers-ervaring met watertand-disse.