Sea Spray A410

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Marinerylaan 1, Sea Spray A410, Bloubergstrand, 7441, Wes-Kaap
Vanaf R1 085 per nag (plek vir 2)

Beskrywing

Sea Spray A410 is 'n pragtig versierde selfsorgwoonstel in 'n veilige woonstelgebou in Bloubergstrand. Dit spog met panoramiese uitsigte oor die see en Tafelberg in die agtergrond, wat dit 'n wonderlike opsie maak vir 'n naweekwegbreek.

Dié woonstel bied gerieflike slaapplek vir 2 gaste en beskik oor 'n oopplan-ontwerp. Dit is ingerig met 'n koningingrootte-bed en die badkamer is toegerus met 'n stort, wasbak en toilet. Alle linne en badhanddoeke word voorsien; gaste moet egter hul eie strandhanddoeke saambring.

Verder is daar 'n kombuis wat volledig toegerus is met 'n stoof, oond, mikrogolf, yskas-vrieskas, eetgerei en breekware asook 'n ontbyttoonbank met stoele. 'n Wasmasjien is ook beskikbaar. Daar is ook 'n sitarea en 'n TV met DStv. Toegang tot gratis WiFi is beskikbaar.

Deur die skuifdeure is daar 'n balkon met sitplek wat 'n ideale plek is vir gaste om die Atlantiese uitsigte ten volle te bewonder met 'n skemerkelkie. Alle gaste het toegang tot die kompleks se gemeenskaplike verhitte swembadarea met gedeelde braaigeriewe en sonstoele.

Kry ’n Kwotasie