Shelley Point on Sea

Selfsorg

Kapasiteit: 4 persone
Geen kinders
Inkloktyd: 14:00 tot 19:00
Uitkloktyd: 10:00
Adres: 1ste Laan 58, Shelley Point, St. Helenabaai, 7390, Wes-Kaap
Vanaf R5 500 per nag (plek vir 4)

Beskrywing

Shelley Point on Sea is op die noordelike punt van Shelley Point-skiereiland in St. Helenabaai geleë en bied selfsorgverblyf aan 4 gaste.

Die woonstel op die grondverdieping bied toegang tot Golden Mile se strande wat 4,5 km ver strek en het 'n privaat ingang met 'n ontvangsportaal. Daar is 2 slaapkamers met lugversorging, 2 badkamers, 'n kombuis, sitkamer en 'n kuierstoep.

Let asb. dat gaste slegs die woonstel op die grondverdieping kan bespreek, en nie die hele huis nie.

Die eiendom beskik oor 2 kamers wat elk 'n koninggrootte-bed het en 1 van die kamers se bed kan op versoek in 2 enkelbeddens omskep. Albei kamers het en suite-badkamers, een met 'n dubbelstort en die ander een met 'n instapstort. Die badkamers het ook baddens, dubbelwasbakke, toilette en verhitte handdoekrelings. Linne en handdoeke word voorsien en strandhanddoeke is op versoek beskikbaar. Daar is ook 'n warm- en kouewaterstort buite.

Die oopplan-kombuis is met 'n gasstoof, elektriese oond, mikrogolfoond, yskas-vrieskas, skottelgoedwasser, eetgerei, breekware, potte, panne en tee- en koffiemaakgeriewe toegerus en gaste kan hul maaltye saam in die eetarea of op die stoep geniet.

Verder kan gaste in die sitarea ontspan voor die TV met sekere DStv-kanale en Netflix. WiFi is beskikbaar en die area lei na 'n kuierstoep met 'n gasbraai vanwaar gaste die dolfyne en walvisse kan dophou wat nou en dan kopuitsteek.

Veilige parkeerplek is beskikbaar.

Shelley Point on Sea is op 'n sekuriteitslandgoed met 'n 9 putjie-gholfbaan geleë en die strand bied verskeie aktiwiteite soos swem, branderry, sweefski en kajakvaart. Gaste kan ook die area met fynbos, verskeie voëlspesies, robbe en ander seelewe verken.

Kry ’n Kwotasie