Simonskloof Camping

Kampeer/karavaan

Kapasiteit: 32 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R318, Simonskloof Plaas, Koo-vallei, Montagu, 6720, Wes-Kaap
Vanaf R340 per nag, vir 2 mense

Beskrywing

Simonskloof Camping is 50 km wes van Montagu en bied gehalteverblyf aan 'n gesin of groep vriende wat op soek is na verblyf wat onafhanklik van die tradisionele kragnetwerk is. Dit spog met 'n pragtige uitsig en is in 'n ekotoon tussen Karoo-vetplante en bergfynbos geleë. Die kloof is die tuiste van 'n verskeidenheid medisinale plante en wild en dit is dus ideaal vir gesondheidswerkswinkels.

Verblyf is in 8 privaat kampstaanplekke beskikbaar wat heeltemal onafhanklik van die tradisionele kragnetwerk is. Die staanplekke is rondom 'n 300 jaar-oue eikeboom versprei en meeste het hul eie waterpunte. Daar is sonnige staanplekke en ander wat weer in die skadu is. Omgewingsvriendelike kompostoilette en warmwaterstorte wat deur 'n tradisionele houtvuur-donkie verhit word is beskikbaar.

Simonskloof spog met klein rotspoele, voetslaanroetes, bergfietsroetes en begeleide buite-aktiwiteite insluitend kanovaart, wildernis-uitstappies en abseil. Die eienaars het die Gecko-roete geskep wat 'n lang netwerk van 60 km is. Dit bestaan uit voetslaanroetes wat met die berg op lei en diep in klowe afsak. Hierdie roete is deel van die ongeveer 750 km-lange Rim of Africa, Afrika se mees uitdagendste en langste bergroete.

Kry ’n Kwotasie