Skemerkelk Guesthouse

Gastehuis

Kapasiteit: 22 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: DF Malan-straat 1, Jan Kempdorp, 8550, Noord-Kaap
Vanaf R850 per nag, vir 2 mense

Beskrywing

Skemerkelk Guesthouse
bied 'n heerlike nagrus waarna gaste met voëlsang wakker sal word en die rustige platteland kan geniet in die hartjie van die Noord-Kaap. Die omgewing het baie olywe, pekanneute, sitrus en ander landbouprodukte.

Daar is 9 en suite-slaapkamers en elke kamer het 'n privaat ingang. Daar is 3 gesinskamers met 'n koningingrootte-bed en 'n driekwartbed. Elke kamer het 'n tema en luukse beddens met gehaltelinne. 2 kamers se badkamers het baddens en storte en daar is 1 wittebroodsuite met 'n driehoekige bad. Ander kamergeriewe sluit DStv, lugversorging, WiFi en tee- en koffiemaakgeriewe met tuisgebakte beskuit in. 'n Daaglikse skoonmaakdiens met skoon handdoeke is ingesluit.

Toegang tot die eiendom word slegs deur 'n sekuriteitshek verkry en parkeerplek is beskikbaar met 24 uur-sekuriteitskameras. Daar is ook 'n swembad.

Ontbyt, wegneemetes en ander maaltye, asook 'n wasgoeddiens is op versoek beskikbaar. 'n Yskas, vrieskas en mikrogolf is ook beskikbaar indien benodig. Die eetarea het 'n kaggel en daar is binne- en buitebraaigeriewe beskikbaar. Hout word voorsien en die gastehuis is rolstoelvriendelik.

Skemerkelk Guesthouse is 'n hartlike gastehuis en 'n veilige hawe met baie bome, 'n pragtige grasperk en tuin. 'n Vreedsame gesinsatmosfeer heers hier en dit is die ideale plek vir moeë reisigers om te kom ontspan.

Kry ’n Kwotasie