Somkhanda Big 5 Tourism

Wildsplaas

Kapasiteit: 16 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Langs die R69, Somkhanda Game Reserve, Pongola, 3965, KwaZulu-Natal
Vanaf R1 800 per nag, vir 2 mense

Beskrywing

Somkhanda Big 5 Tourism bied grasdak-chalets en kampering en is in die privaat Big 5 wildreservaat wat deur die gemeenskap besit word. Die lodge is op die 12 000 ha reservaat en spog met rollende heuwels en natuurlike bosveld.

Somkhanda Big 5 Tourism beskik oor verskeie grasdak-chalets en kampeerplek in die skaduwee. Elke chalet het 'n privaat badkamer en geriewe soos 'n plafon-waaier, yskassie en tee- en koffiemaakgeriewe. Elke chalet het toegang tot 'n gemeenskaplike kombuis met basiese toestelle. Elke kampplek het toegang tot gemeenskaplike ablusiegeriewe.

Die hooflodge het 'n plonspoel, gemeenskaplike kombuis, boma braai-area en uitsigte oor die watergat waar verskillende soorte diere kom drink.

Hiérdie 12 000 ha reservaat in gemeenskapsbesit vorm deel van 'n belangrike bewarea tussen Zululand Rhino Reservaat en Pongola Game Reserve, veral vir die bedreigde swart- en witrenoster en wilde hond. Somkhanda Game Reserve is ook die tuiste van rooibokke, koedoes, kameelperde en 'n uitsonderlike hoë getal luiperds as dit met ander reservate in Afrika vergelyk word.

Kry ’n Kwotasie