Beskrywing

Strandloper 20 is 'n ruim vakansiehuis in die kusdorpie Jacobsbaai.

Die huis beskik oor 4 slaapkamers en 3 badkamers, asook 'n gastetoilet. Die hoofslaapkamer is op die grondverdieping en het 'n koninggrootte-bed en 'n en suite-badkamer met 'n bad, stort, wasbak en 'n toilet. Die tweede slaapkamer op die grondverdieping het 'n koninggrootte-bed en 'n en suite-badkamer met 'n toilet, stort en 'n wasbak. Op die boonste verdieping het die derde slaapkamer 2 enkelbeddens en die vierde slaapkamer 3 enkelbeddens. Die leefarea bied 1 slaapbank vir kinders. Die huis het ook 'n aparte badkamer met 'n stort, bad, wasbak en 'n toilet. Daar is ook 'n aparte gastetoilet.

Die huis het ondervloerse verhitting en 'n kaggel in die leefarea. Die kombuis is met 'n aparte opwasarea met 'n skottelgoedwasser, wasmasjien en 'n tuimeldroër toegerus.

Op die seefrontstoep is daar 'n ingeboude braai en 'n lang buite-etenstafel. Gaste het ook toegang tot beskutte onderdakparkeerplek.

Vir veiligheid is die huis met 'n alarmstelsel en diefwering toegerus.

Jakobsbaai is 'n unieke Weskusdorpie wat verskeie aktwiteite soos voetslaan, visvang, bergfietsry, kanovaart en swem in die baai bied. Besoekers kan die nabygeleë dorpies soos Paternoster, St. Helenabaai, Langebaan, Hopefield en Darling besoek.

Die huis het nie 'n TV of WiFi nie sodat gaste ten volle kan ontspan en heeltemal kan afskakel. Gaste is egter welkom om hulle eie saam te bring.