The Artist's Escape

Selfsorg

Kapasiteit: 15 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Tainton-laan 22, Bonnie Doon, Oos-Londen, 5241, Oos-Kaap
Vanaf R990 per nag (plek vir 3)

Beskrywing

The Artist's Escape is 'n klassieke, kunstige gastehuis wat in Bonnie Doon, 'n voorstad van Oos-Londen, geleë is. Die gastehuis is net 7 minute van Nahoon-strand af, wat 'n absolute paradys is vir branderplankryers. Die unieke houthuis het baie karakter, is heeltemal uit herwonne materiaal gebou, en word omring deur ou bome en 'n luisterryke tuin. Hier voel dit sommer asof jy op 'n plaas woon, met hasies, klipdassies, ganse en eende wat in die bosse rondom die gastehuis woon.

Die gastehuis bied unieke selfsorgverblyf in verskeie verblyfopsies, soos 'n kothuis, 'n hut, 'n gastekamer en 'n karavaan. Braaigeriewe is op die perseel beskikbaar en gaste het toegang tot parkeerplek voor die motorhuis. Internet is ook beskikbaar.

Artist's Escape is in 'n stil gebied naby die Vincent Park-winkelsentrum, restaurante, koffiewinkels, Engelse kroeg, poskantoor en drankwinkel geleë. Die omgewing is 'n paradys vir voëlkykers en natuur-fotograwe. Jou gashere is altyd bereid om jou by te staan en kan aanbevelings maak rakende restaurante en daguitstappies in die omgewing. Ontbyt en smaaklike aandetes is beskikbaar op versoek, en word of op die dek, die onderdakstoep, of in die bamboeskroeg (wat deel uitmaak van die eienaar se leefarea) bedien.

Kry ’n Kwotasie