Wondelike ligging en bevat alles wat mens benodig. Alhoewel die weer regtig nie hierdie keer saamgespeel het nie, was ons verblyf daar baie lekker. Ons moes ongelukkig 'n dag vroeer vertrek omdat my vrou en dogter akute bronchitis opgedoen het, maar die rus het ons wondere gedoen.

Lekker, veilig goed geleë. Baie lekker plek met die mooiste uitsig.

Rustige omgewing, baie mooi uitsig! Elke oomblik geniet! Baie lekker gebly, netjies, skoon en rustig!

Perfekte plekkie by die see! Dit is die perfekte plekkie by die see met alles wat jy nodig het en so veel meer. Die woonstel is baie gerieflik, want jy pak net jou kos, klere en handdoeke, die res is klaar daar (enige man se droom, want ons vrouens het dan minder om te pak!). Die eienaars is baie vriendelik en vreeslik behulpsaam. Dit wat op die fotos is, is dit wat jy kry. Die toegeboude balkon maak dit vir jou moontlik om ontbyt, middag en aandete te geniet terwyl jy na die see kyk. Ons beveel regtig hierdie skat langs die see aan vir enige iemand wat wil wegbreek en die natuur wil geniet. Dit is skoon, netjies, rustig en reg langs die see. Dit is 'n paar kilometer van die hoofstrand af, maar so gerieflik, want binne 10 minute is jy by alles, maar tog ver genoeg om die rustigheid ten volle te geniet. Selfs al is die weer reënerig, kan jy lekker in die bed le en na die see kyk terwyl jy 'n lekker koppie koffie geniet. Dit was regtig besonders gewees om wakker te word en die see te hoor, te sien en te kan ruik, en so ook as jy gaan slaap, dan raak jy met breekende branders aan die slaap. As jy wil wegbreek van die gejaagde lewe, is die plekkie vir jou.

Bitter mooi uitsig reg oor die strand. Meer as gemaklike beddens en meer as genoeg spasie vir 4 mense. Definitief die beste eenheid waarby ons al oorgeslaap het in Jeffreys. Beslis van nou af die enigste een wat ons sal boek.

Definitief sal ek weer kuier die jaar by The Astons No. 3. Wow, baie netjies en loopafstand vanaf die see. Ek en my vrou het elke oomblik geniet en kon nie ons vriende genoeg vertel van ons kuier nie.

Lekker! Sal definitief weer by The Astons No. 3 gaan bly.

Baie lekker gebly. Alles was goed en het gewerk. Die uitsig was wonderlik! Al wat gepla het is dat daar nie addisionele komberse was nie, ook nie handdoeke nie en ook nie addisionele toiletpapier nie. Ook geen TV/DSTV diens beskikbaar nie ten spyte van die beskikbaarheid van 'n TV. Klein goedjies wat 'n groot verskil kan maak.

Ons het dit baie rustig gevind juis oor die area so rustig is, weg van die gejaag van die hoofstrand. Die uitsig oor die see maak dit net soveel lekkerder en om snags die branders te hoor breek en soggens net oop te maak en in die bed te lê met 'n wonderlike uitsig was so amazing. Beslis die moeite werd.

Ongelooflik lekker en gemaklik. Reg langs die see met 'n ongooflike uitsig. Ons het elke dag strand toe gestap en ons kinders het elke oomblik geniet. Die woonstel is goed toegerus met als wat mens nodig het.