The Floridian

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Leonora-rylaan 87, Ballito, 4418, KwaZulu-Natal
Vanaf R1 650 per nag (plek vir 2)

Beskrywing

The Floridian is in Ballito, KwaZulu-Natal, geleë. Ballito se hoofstrand is net 700 meter vanaf die verblyf vir diegene wat graag na die strand wil stap om te gaan swem.

Verblyf word in 3 eenhede gebied.

The Floridian bied slaapplek aan 8 volwassenes en 8 kinders en beskik oor 4 en suite-slaapkamers wat elkeen uniek gemeubileer is. Die hoofslaapkamer het 'n koninggrootte-bed en 1 enkelslaapbank, die tweede slaapkamer het 'n koningingrootte-bed en 'n stapelbed vir 2 kinders, die derde slaapkamer het 'n dubbelbed en 'n stapelbed vir 2 kinders en daar is 'n dubbelslaapbank, 'n stapelbed en 'n tripelstapelbed vir 3 kinders in die vierde slaapkamer. Al die slaapkamers is op die boonste verdieping en die badkamers het almal stortgeriewe.

Daar is ook 'n volledig toegeruste kombuis met 'n yskas, mikrogolfoond, oond en 'n stoof. Die eenheid het uitsigte oor die swembad en die tuin. Die huis beskik ook oor 'n oopplan-leefarea, 'n eetarea en 'n TV-area.

Die Mini Floridian bied slaapplek aan 2 volwassenes en 3 kinders en beskik oor 2 slaapkamers en 'n badkamer met 'n stort. Die hoofslaapkamer het 'n dubbelbed en die tweede slaapkamer het 'n stapelbed en 'n enkelbed vir 3 kinders. Ander geriewe in die kamer sluit 'n klein kombuisie met 'n yskas en 'n mikrogolf in. Gaste kan ook in die sitarea ontspan.

Die Miami is 'n losstaande eenheid wat oor 2 slaapkamers beskik. Die eerste slaapkamer het 'n koningingrootte-bed en die tweede slaapkamer het 'n stapelbed vir 2 kinders. Daar is 'n gedeelde badkamer met 'n stort, toilet en 'n wasbak. Dit beskik ook oor 'n privaat stoep met 'n ontbythoekie.

Geriewe op die perseel sluit veilige parkeerplek en wasgoeddienste in. Verder is 'n kinderoppasser ook beskikbaar indien daar vooraf gereël word. Gaste is ook welkom om van die doendinge op die perseel gebruik te maak wat swem insluit.

Aktiwiteite in die omgewing sluit perdry, fietsry, swem, visvang en bergfietsry in.

Kry ’n Kwotasie