Visarend's Roep

Selfsorg

Langtermynverblyf-aanbod 10% af

Kry 10% af vir verblyf wat 5 nagte of langer is. Hierdie aanbod is altyd geldig.

Kapasiteit: 8 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Geelslangweg 2272, Marlothpark, 1321, Mpumalanga
Vanaf ~~R2 100~~ R1 890 per nag, vir 8 mense

Beskrywing

Visarend’s Roep is in Marlothpark wat grens aan die suidelike deel van die Krugerwildtuin in Mpumalanga. Marlothpark is bekend daarvoor dat kameelperde, koedoes, sebras, blouwildebeeste, vlakvarke, rooibokke, duikers, bosbokke en vele ander kleinwild gereeld tussen die huise rondbeweeg. Marlothpark spog ook met lieflike sonsondergange oor die rivier, die brul van die leeus in die Krugerwildtuin in die agtergrond en die kenmerkende roep van die visarend.

Verblyf is beskikbaar in 'n tweeslaapkamer-selfsorghuis met 'n solderarea. Die huis bied slaapplek aan 8 gaste, kinders ingesluit, verkieslik 4 volwassenes en 4 kinders, maar 'n maksimum van 6 volwassens en 2 kinders kan geakkommodeer word. Daar is 2 slaapkamers met lugversorging en elkeen het 'n dubbelbed. Die solderarea het 'n dubbelbed en 2 enkelbeddens. Dié area lei na 'n houtdek met 'n pragtige uitsig oor die ongekunstelde natuur. Die badkamer het 'n stort, toilet en wasbak.

Linne en handdoeke word voorsien, maar gaste moet hul eie swemhanddoeke saambring.

Die kombuis is met 'n gasstoof, elektriese oond, yskas-vrieskas, mikrogolfoond, potte, panne, tee- en koffiemaakgeriewe, eetgerei en breekware toegerus. Die sitarea het gemaklike sitplek en 'n TV. Gaste moet asb. hul eie dekodeerder en slimkaart saambring.

Buite is daar 'n lieflike stoep met 'n ingeboude braai waar gaste om die vuurput kan sit en die sterrenag dophou, of in die swembad baljaar.

Let op dat dit ‘n bewarea is en geen geraas toegelaat word nie. Die huis is ideaal vir natuurliefhebbers wat die rustigheid van Marlothpark wil geniet.

Marlothpark spog met 'n hele rits aktiwiteite soos stap, swem, wildritte en 4x4-roetes. Die Henk van Rooyen-kampeerterrein het 'n tennisbaan en 'n swembad. Daar is ook 'n waterpark by die Bush Centre waar die hele gesin kan baljaar. Gaste kan hul bergfietse bring om die roetes te verken, of al langs die heining gaan wandel.

Marlothpark het 2 winkelsentrums wat in al gaste se basiese behoeftes voorsien. Winkels in die sentrums sluit 'n slaghuis, kruidenierswinkel, vulstasie en restaurante in.

Kry ’n Kwotasie

Kamer-opset

Slaapplek vir 8 mense • 2 Slaapkamers • 1 Leefarea • 1 Badkamer

Slaapkamer

1 x Dubbelbed

Slaapkamer

1 x Dubbelbed

Leefarea

2 x Enkelbed / Driekwartbed

1 x Dubbelbed

Badkamer

Stort, Toilet

Dít is wat jy hier sal kry

Gratis, veilige parkeerplek

WiFi

Swembad

Lugversorging

Volledige kombuis

Braai

Resensies

4.9/ 5

Gebaseer op 47 resensies

Uitstekend

Netheid

4.9

Ligging

4.9

Waarde vir geld

4.7

Diens

5.0

Veiligheid

4.9

Gaste se hoogtepunte

Roulien G

Saam met vriende

5.0

Onvergeetlike kuier in die bos. Definitief die moeite werd! 'n Heerlike wegbreek na 'n pragtige, skoon en netjiese plekkie in die bos. Baie dankie, on...

Sien meer

Sep 2024

Christa D

Saam met lewensmaat

5.0

Pragtige plekkie! Pragtige plekkie met alles wat jy dalk kan nodig hê vir 'n kuier, silwerskoon. Baie diere het kom besoek aflê. Heerlike koel plekkie...

Sien meer

Des 2023

Melissa M

Gesin met tieners

5.0

Heerlik gekuier in hierdie bosveld juweel. Pragplekkie, ten volle toegerus. Maak voorsiening vir beurtkrag en watertekort. Heerlik gekuier op die stoe...

Sien meer

Okt 2023

Tony K

Saam met lewensmaat

5.0

Weg van die huis, maar voel tuis. Ons het heerlik gekuier. Martie is 'n gasvrou 1000! Daar het soveel diere kom kuier. Die ligging was baie goed geleë...

Sien meer

Okt 2023

Hennie D

Saam met lewensmaat

5.0

Beste verblyf in Marloth Park. Sal dit aanbeveel aan almal wat in Marloth Park wil gaan kuier. Visarend's Roep is alles wat ons verlang het en nog mee...

Sien meer

Jul 2023

Sien al 47 resensies