Beskrywing

Western Wave Apartment bied gerieflike verblyf in 'n privaat woonstel met 'n uitsig. Die smaakvol gemeubileerde woonstel is in Kommetjie geleë, net 350 m van die vuurtoring en die promenade langs die kus af.

Die eenheid het sonpanele om die impak van beurtkrag te verminder.

Die oopplan-woonstel het 'n koningingrootte-bed, 'n groot en suite-badkamer met 'n stort, 'n sitarea en 'n kombuisie. Die kombuisie is met 'n yskas, mikrogolfoond, ketel en broodrooster toegerus. 'n Skuifdeur lei na 'n privaat dek.

Die woonstel is ideaal vir paartjies wat van die natuur en buitelugaktiwiteite hou, of vir diegene wat op soek is na 'n ontspannende wegbreek. Kommetjie bied verskeie branderplankryplekke, staproetes, voëlkyk-geleenthede en bergfietsroetes. Daar is 'n rits uitstekende restaurante en kroeë in die omgewing.

Die eienaars woon op die perseel, maar die woonstel is lekker privaat.