Whiskey Creek

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Stand W06, Walkersons Country Estate, Dullstroom, 1110, Mpumalanga
Vanaf R8 000 per nag (plek vir 10)

Beskrywing

Whiskey Creek is 'n pragtige selfsorgvakansievilla met asemrowende uitsigte op die berge en oor damme. Dit is in die hartjie van die Walkersons Country Estate in Dullstroom geleë en is die perfekte opsie vir 'n rustige wegbreek met binne- en buite-vermaakareas.

Dié villa bied slaapplek aan 10 gaste en beskik oor 5 slaapkamers en 5 badkamers. Die eerste 2 slaapkamers het elk 'n koninggrootte-bed en 'n en suite-badkamer met 'n bad en 'n stort. Die derde slaapkamer het 'n koninggrootte-bed, die vierde slaapkamer het 'n koningingrootte-bed en 'n en suite-stort en daar is 2 enkelbeddens en 'n en suite-stort in die vyfde slaapkamer. Gehaltelinne en badhanddoeke word voorsien.

Die ruim oopplan-leefarea beskik oor 'n stylvolle kombuis wat met 'n gasstoof, elektriese oond, mikrogolf, yskas-vrieskas, wynyskas, eetgerei, breekware en 'n sentrale eiland met stoele toegerus is. Dit lei na 'n etenstafel met oorgenoeg sitplek. Langs hierdie eetarea is 'n knus sitarea met gemaklike sitplek, 'n kaggel, gasverwarmer en 'n TV met DStv. Gratis WiFi is oral in die huis beskikbaar.

Verder is daar 'n solderarea met 2 lessenaars. Die stapeldeure lei na 'n binnenshuise onthaalarea met 'n etenstafel, 'n knus sitarea met 'n kaggel en 'n kroeg met 'n ysmasjien en yskassie. Dié area het ook 'n ingeboude braai en 'n pizza-oond. Buite is 'n sonnige stoep met gemaklike meubels en 'n lowergroen tuin.

Kry ’n Kwotasie