Verified Reviews
Cape Karoo
All reviews have been left by LekkeSlaap customers staying in Cape Karoo
Rated 4.5 out of 5 based on 2924 reviews.
"Die stargazing deur die teleskoop by die planetarium op Sutherland was ongelooflik."
"Sutherland het soveel meer te bied as net sterrekyk. Klim uit jou boksie en gaan ontdek die juweel van 'n plek."
"Hou nie baie van Prins Albert nie, maar die area buite die dorp is vir my fantasies. Mal oor die Karoo."
"Heerlike naweekuitstappie, maar wees voorbereid om selfsorg te kan doen vir plan B indien jou etebeplanning nie uitwerk nie. Gelukkig was Die Boorgat oop en gereed toe ons teen 13:45 steeds by 'n (aanbevole) toe deur te staan kom vir middagete elders. Op 'n Saterdag. Weens vorige ervarings op soortgelyke klein dorpies, het ons brood, kaas, melk, jogurt gereed gehad. Klein dorpies is op Sondag dikwels toe of die keuses is ongelooflik beperk, of nie noodwendig goed nie."
"Dit is die mooiste-mooi dorpie en ek was mal daaroor! Kan nie wag om terug te gaan nie! Die Swartbergpas was absoluut uitsonderlik en asembenemend mooi! Die 'Lad-die-Dah' en 'African Relish' restaurante is ook uitstaande! Lad-die-dah is op die punt van die dorp - fantastiese kos en baie goed geprys! African Relish is duurder, maar ook uitstaande kos en diens! Ek beveel glad nie die 'Rude Chef' restaurant oorkant die Swartberg Hotel aan nie - dis baie duur vir wat jy kry, die kos was onsmaaklik, diens swak, geen atmosfeer en die wynlys was beperk (wyn was nie lekker nie, en jy mag nie jou eie wyn neem nie). As jy nog nie daar was nie - moet jy die dorpie gaan verken!"
"Very hospitable little town with some lovely restaurants. Most activities are centered around the Observatory and star-gazing. Definitely worth a visit (but take warm clothes!)."
"Oulike dorpie en goeie afstand van vele groter dorpe in die omgewing soos Oudtshoorn, Stilbaai en selfs Mosselbaai en George. Pragtige plase in die omgewing."
"Trotse Karoo-dorp. Netjies en skoon. Heerlike restaurante met goeie diens en goeie kos. Beslis 'n plek om op jou "moet besoek" lysie te sit."
"Dit is 'n juweel van 'n dorpie waar mens lekker bly en eet. 'n Gerieflike oorstop op pad na Kaapstad."
"Skoon en aantreklike dorp. Vriendelike mense. Blue Moon restaurant se skaapnekgereg was baie lekker. Willem het ons die sterre gewys."
"Die eienaar van die Kredouw Fijnhuis het baie kennis en inligting. Mense kan met gemak na hom verwys word as hul daar besoek aflê. 'n Ete by die hotel is 'n groot pluspunt. "
"Dis baie mooi en ons het heelwat meer diere hierdie keer gesien, van jakkals, koedoe, gemsbok, springbok, rooihartebees en pragtige voëls."
"Ons het dit geniet om die klein begrafplasie te besoek. Die star gazing by die planetarium was uitstekend. Willem, wat die sessie aangebied het, is baie vriendelik en het 'n besonderse kennis van die sterre en veral selfoonkameras. Hy het ons gehelp om die mees onvergeetlikste foto's van die sterre te neem."
"Besoek die Boekklub, Karoo Blessings vir lekker nougat en lekker kuier met Mariaan en Suzanne. Draai by die kerk wat stunning is en ry deur die hele plek. Sal beslis weer hier kom besoek. Merweville is 'n great dorp!"
