Verified Reviews
Cape Karoo
All reviews have been left by LekkeSlaap customers staying in Cape Karoo
Rated 4.5 out of 5 based on 1989 reviews.
"Pragtige Karoodorp met vriendelike mense, lekker eetplekke, lekker olyfolie, fantastiese kaas."
"Baie besonderse Karoodorp met besonderse mense, baie lekker restaurante en baie goeie kaas."
"Die planetarium was 'n teleurstelling, ons het verwag om daar meer oor die sterre en die hemelruim te leer, maar helaas, daar was meer advertensies en onnodige inligting as enige inligting oor die hemelruim."
"Pragtige kunsdorpie met Karoo-tema, huise oor die algemeen baie goed versorg, Lazy Lizzard se lampasteitjies 'n moet."
"Sutherland het soveel om te bied vir mense wat van die heelal meer wil weet en nog baie meer."
"'n Besoek aan hierdie besondere plekkie is in alle opsigte die moeite werd! So mooi skoon dorp met sulke vriendelike mense en soveel om te sien en ervaar. Vermy net Maandae, want dan is die meeste plekke toe (seker om te rus na die naweek)."
"Wonderlike plattelandse dorpie. Lanklaas so mooi skoon en netjiese strate en woonbuurte gesien. Interessante winkeltjies en restaurante om te besoek. Mal daaroor!"
"Prins Albert is 'n klein juweel. Ons het die kunsgallerye en koffiewinkels baie geniet. Die hoogtepunt van ons kuier was die toer met die Unimog op teen die Swartbergpas! Dit was 'n belewenis en die tieners was gek daaroor. Bespreek by die Swartberg Hotel vir die toer."
"Dit is die moeite werd om 'n draai by die Boekklub te maak. Die plaaswinkels daar naby is die moeite werd om in te loer. Draai af vanaf die N1 en oornag in Merweville."
"Die dorpie is pragtig. Ons het wel die aand by the Rude Chef gaan eet en 'n minder aangename ervaring gehad. Ek glo daar is ander plekke wat beter diens sou gelewer het."
"Besoek gerus Prins Albert. Die Hotel is 'n gawe opsie met 'n goeie ontbyt en 'n 4x4-toer oor die Swartbergpas en 'n sjampanje ontbyt."
"Prins Albert is 'n pragtig-versorgde dorp. Vriendelike inwoners en ons het 'n gevoel van veiligheid en outydse sjarme ervaar."
"SUTHERLAND Hier is die na amper dag, waar sterre vonkel en die maan blinkoog lag. Sirkels in en om die maan kom so naby dat mens dink dat jy amper langs dit staan. Waar strate nog nat kan dou en die kerkklok lui soos wat dit tyd hou. Skaapstertjies, oxtail en malvapoeding hartskos wat jou terug sal bring. Konfyt gemaak van fyn kambro Sutherland in die verre Karoo. Versteek tussen sand en klip, Daar sal sterre en planete nooit verby kan glip. Selfgeskryf: 2021"
"Was lekker om al die plekke waar Die Boekklub geskiet is te besoek. Bietjie afgeleë van die hoofroetes, maar was beslis die moeite werd om dit te besoek."
"Small town with very friendly and inviting community. Plenty of authentic eat out and social venues, but understandable not much other entertainment options."
"Merweville verdien baie meer reisigers wat oornag en die area verken. As jy rustigheid en stilte wil ervaar is dit die perfekte plek en nog maklik bereikbaar met teerpad vanaf N1. Vanaf Sutherland se kant is dit asemrowend maar heelwat moeiliker grondpad. Saans hoor jy nie n geluid nie, dis pikdonker en voel dit soos ’n plaas. Merweville is pragtig !"