Verified Reviews
Merweville
All reviews have been left by LekkeSlaap customers staying in Merweville
Rated 4.5 out of 5 based on 137 reviews.
"Pak lig en neem net die nodigste saam en ondersteun die plaaslike gemeenskap en besighede."
"Stil dorpie waar mens net lekker kan ontspan en die Karoostilte en -sterre kan bewonder en geniet."
"If you want to experience a quiet Karoo town, where life stands still (even just for a short while), and you can listen to the sounds of silence or enjoy a lovely chat with a passer-by, then Merweville is your place. Leave the rush and madness of life at the turnoff from the N1 and enter (after 42 km) and enjoy the peace, quiet and a breath of fresh air."
"Heelike wegbreekplek in die Karoo met genoeg vars lug en baie vriendelike mense. Hier kan 'n mens nog die stilte geniet en pragtige sterre sien."
"'n Moet-sien dorpie. Die mense se gasvryheid het my opnuut laat besef dat daar nog goeie mense in die wêreld is en die dorp is so mooi. Lekker eetplekke en die mooiste kerk."
"Vriendelike warm mense. 'n Plek om te ontspan in die heerlike Karoo weer eerder as om dinge te hê om te doen en te sien."
"Merweville is die tipe Karoo-dorpie wat in mens se hart kruip. As jy stilte en rustigheid soek hier het die tyd nog bietjie stil gestaan. 'n Plekkie met hartsmense, 'n plekkie wat meer verdien om besoek te word."
"Sien Merweville as 'n pelgrimstog om weer met dit wat belangrik in die lewe is te "connect" - gaan stap in die stofstrate, mediteer in die kerk of babbel op die boekklub se stoep, maar doen dit net stadig."
"Ons was absoluut mal oor Merweville en sal beslis weer daar gaan kuier."
"As jy hou daarvan om plattelandse dorpies te besoek dan is hierdie dorpie 'n juweel."
"Besoek die Boekklub, Karoo Blessings vir lekker nougat en lekker kuier met Mariaan en Suzanne. Draai by die kerk wat stunning is en ry deur die hele plek. Sal beslis weer hier kom besoek. Merweville is 'n great dorp!"
"Sal enigeen aanraai om Merweville te besoek. As jy opsoek is na stilte en rustigheid is dit beslis die plek."
"Besoek gerus die Nougat fabriek en luister na Marian en Suzaan se getuienis oor hoe die fabriek ontstaan het."
"Baie afgeleë. Regtig net vir 'n oornagplekkie. Merweville moet dalk meer bied vir toeriste bv. toere (plekkies besoek waar Die Boekklub verfilm is), piekniek op die koppie agter die kerk, sterrekyk of so iets. Gebruik die TV se reklame vir Merweville se voordeel."
"Die rustigheid en stilte is 'n lafenis. Ons was veral beïndruk met die spitsverkeer van 1 voertuig elke half uur. 'n Plek wat ons ervaring van die Karoo verryk het."
"Ons het die gasvryheid van Merweville eerstehands ervaar. Van Thea wat spesiaal die petrolpomp moes kom oopsluit sodat ons na 2 kan petrol kry, tot rugby kyk by Colin en 'n hewige kuier daarna! En dan in die pikdonker, tjoepstil dorpie terugstap huistoe en die duisende sterre beleef. Ons kon ongelukkig nie enige van die winkeltjies besoek nie, aangesien als 2 uur toemaak en ons eers daarna daar aangekom het. Dit was 'n wonderlike besoek wat ons nog lank sal bybly."
"Die dorpie is stil en die mense vriendelik. Ons het Saterdag 13h45 in die dorp aangekom en Die Boekwinkel restaurant wat al 14h00 sou toe maak was meer as gewillig toe ons gebel het vooraf vir 'n wegneemmiddagete om ons the help. Hulle het gewag tot ons daar was voor ons kos gemaak is en dit was heerlik. Die personeel wat ons bedien het was ook heeltemal gewillig dat ons sit en nie wegneem vat nie, maar rustig daar eet en deurstap en 'n glasie wyn geniet. Jy sal ver gaan as stadsmens om sulke helder sterre te sien en die stilte te ervaar met net windpompe wat die nagstilte breek."