Verified Reviews
North Coast
All reviews have been left by LekkeSlaap customers staying in North Coast
Rated 4.5 out of 5 based on 3232 reviews.
"Die nuwe Mtuba Mall is net die plek om aankope te doen voor mens die wildparke in die omgewing besoek."
"Daar is net nie genoeg aktiwiteite nie. Ek dink kinders sal baie verveeld wees daar."
"Daar is baie om te doen soos diepseehengel, perdry in wildreservaat, boot ry op meer om seekoeie en krokodille van naby te sien, kaasfabriek besoek, krokodilplaas, restaurante met vars vis tot lekker lang stappies saam jou geliefdes of honde op die strand. Het elke oomblik geniet."
"St Lucia self is 'n pragdorp met baie om te doen. Daar is baie verskillende plekke wat jy kan besoek en verskillende wild en boottoere waarop jy kan gaan. Ons toergidse was baie goed ingelig en kan jou die beste gee."
"Baie aktiwiteite in en omgewing, iets van als, en is nog rustig sonder baie verkeer, sommer net lekke!"
"St Lucia is 'n droom bestemming - ry links en jy is in die bos; ry regs en jy is op die strand. Duikertjies, impala en sebras loop sommer links en regs verby jou en die dorp het warm, vriendelike mense orals."
"The Hluhluwe - Umfelozi Park is nearby to Hluhluwe and gives visitor a good opportunity for game viewing - although the main road through the park is badly maintained evidenced by the numerous potholes,"
"Strande nie baie "swemvriendelik" nie, baie rotse, maar andersins oulike toeriste-bestemming as 'n mens 'n rustige vakansie verkies, daar is nie vreeslik aktiwiteite of besienswaardighede nie."
"As die meer se mond oop en in verbinding met die see is kan dit baie meer vakansiegangers lok. Ongelukkig is dit die werking van die natuur wat die tonne sand voor die estuary se monding neergelaat het, maar ons hoop en vertrou dat die uitwerking van die Umfolozi (as dit reën) 'n permanente oop riviermonding tot gevolg kan he."
"St Lucia is 'n pragtige kusdorpie, maar die swak dienslewering van die stadsraad is 'n probleem."
"'n Baie mooi dorpie geleë tussen oerwoud en see in 'n beskermde wildernis, waar mens waarlik rustigheid vind en sommer lekker kan ontspan en uitrus!"
"Ballito is ons gunsteling. Dit is kleiner as Umhlanga en dus nie so besig nie. Dit voel asof jy weg is van die stad. Ignoreer die snelweg en ry eerder langs die kus na Ballito, dan geniet jy die natuurskoon en die pad is in 'n goeie toestand. Daar is genoeg eetplekke om te kuier en oorde waar jy van hulle swembaddens gebruik kan maak. Die strand is pragtig en by Ballito is daar 'n wandellaan wat jou laat stap al langs die strand. Ballito is heerlik warm in die dag, maar wanneer die son sak moet jy jou baadjie by jou hê."
