Beskrywing

Kom bly gerus by dié moderne selfsorg-eenheid in The Dunes Resort in Keurboomstrand naby Plettenbergbaai as jy volgende keer die Tuinroete verken. Ons is 'n hanetreetjie van die strand af en daar is 'n geplaveide wandelpaadjie wat na die strand lei.

Dié tweeslaapkamereenheid bied slaapplek aan 5 gaste. Die hoofslaapkamer en tweede slaapkamer is op die boonste verdieping. Die eerste slaapkamer het 'n koninggrootte-bed en die tweede slaapkamer het 2 enkelbeddens. Daar is 2 badkamers met stortgeriewe. Die kombuis is met 'n yskas-vrieskas, mikrogolf, stoof-oond, skottelgoedwasser, ketel, breekware en eetgerei toegerus. Daar is 'n eetarea en 'n oopplan-sitarea met 'n enkelslaapbank. Die dubbeldeure lei na 'n omheinde, privaat tuin met 'n ingeboude braai en 'n onderdak-kuierarea. Parkeerplek vir 1 voertuig, asook WiFi is beskikbaar. Badhanddoeke en strandhanddoeke word voorsien.

Geriewe op perseel sluit die volgende in: DStv, 'n restaurant en kroeg, 'n haarsalon, winkels, ’n swembadden, 'n speelgrond, 'n wassery met 'n wasdiens, 'n karwasdiens, 'n visskoonmaakstasie, ablusiegeriewe en 'n uitkykdek by die strand vir walvis- en dolfynkyk. Parkeerplek vir bote en sleepwaentjies kan op versoek voor aankoms gereël word.

Doendinge in die omgewing sluit die volgende in: visvang, walvis- en dolfynkyk, riviervaarte, bootry, kano, voëlkyk, voetslaan, perdry, gholf, bergfietsry, fietsry, reksprong, valskermspring, wildkyk en -ritte, wynproe, 'n aantal dieretuine en voëlparke, 'n beskermingsgebied vir wolwe en 'n legkaartpark en avontuurpark.

Interessante plekke in die omliggende area sluit talle historiese gedenktekens, die Nelson's Bay Grot by Robberg Natuurreservaat, 'n argeologiese terrein uit die Steentydperk op die Robberg Skiereiland met bewyse van menslike aktiwiteit van 125 000 jaar gelede en een van die grootste seemeeu-broeikolonies by die Keurboomsriviermonding in.

Die eenheid is gewild onder gesinne, natuurliefhebbers, hengelaars, voëlkykers en voetslaners wat die Otterroete stap van Tsitsikamma Nasionale Park (65 km) na Nature's Valley (34 km). 'n Ideale oornagplek vir gaste wat van en na die Addo Olifantpark (304 km) en Qunu in die Oos-Kaap (682 km) reis, waar Nelson Mandela op 15 Desember 2013 op sy gesin se eiendom begrawe is.