Lagoon & Ocean View Retreat

Beskrywing

Lagoon & Ocean View Retreat is 'n selfsorgwoonstel in 'n kompleks in Jeffreysbaai met lieflike uitsigte oor die see en die meer. Dit is ideaal vir 'n gesin wat op soek is na 'n kuswegbreek en steeds naby geriewe en besienswaardighede wil wees.

Die woonstel is op die derde verdieping en bied slaapplek aan 6 gaste in 3 slaapkamers. Die hoofslaapkamer het 'n koningingrootte-bed en 'n en suite-badkamer, en die tweede en derde slaapkamer het elkeen 2 enkelbeddens. Gaste in dié slaapkamers deel 'n aparte badkamer met 'n bad.

DIe kombuis is met 'n yskas-vrieskas, stoof, oond, mikrogolfoond en skottelgoedwasser toegerus. Die oopplan-leefarea het 'n etenstafel met sitplek vir 6, 'n gemaklike rusbank en 'n TV. Die area lei na 'n beskutte balkon met draagbare braaigeriewe en 'n uitsig oor die bewarea en see.

Die kompleks het ook 'n gemeenskaplike swembad en daar is parkeerplek op die perseel. Verder kan gaste die area verken en verskeie beskikbare aktiwiteite aanpak.