Driftsands Sea Front 12

Beskrywing

Driftsands Sea View Flats is 50 m vanaf die seefront geleë en bied bekostigbare verblyf aan gesinne by die see. Dit is in Uvongo, 'n rustige kusdorpie 2 uur buite Durban, geleë. Hiér kan gaste ontspan en al die besienswaardighede in die area besoek.

Die woonstel spog met 'n privaat balkon en asemrowende see-uitsig en bied slaapplek aan 4 volwassenes en 2 kinders. Die hoofslaapkamer het 'n dubbelbed en die tweede slaapkamer het 2 enkelbeddens. Albei slaapkamers het plafonwaaiers. Die sitarea het 2 uittrek-enkelbeddens vir 2 kinders. Die badkamer het 'n toilet, wasbak en stort. Die kombuis is met 'n losstaande stoof, oond, mikrogolf, yskas, ketel en broodrooster toegerus. Die sitarea het 'n TV met die EasyView DStv-pakket teen die muur.

Die kompleks het 'n swembad, talle braai-areas, 'n elektriese heining, 'n afstandbeheerde ingangshek en ’n sekuriteitswag wat saans patrolleer.

Daar is talle restaurante, kroeë en lekkernye stapafstand van die woonstel af.

Driftsand se ligging in die middel van die Suidkus is die ideale basis vanwaar gaste die besienswaardighede in die area kan besoek. Dit sluit in die wêreldbekende Oribikloof met avontuuraktiwiteite, soos die hoogste kloofswaai ter wêreld, en Lake Eland Wildreservaat met die hangbrug en 2 Zipline-toere. Die Wild Coast Casino Resort and Golf Course met die Wild Waves Waterpark en bootritte op die Umtamvuna-rivier is net 39 km ver. Die aktiewe besoekers kan ook die 8 puik gholfbane, talle stap- en fietsroetes, en strande vir sonbaai, stap en visvang besoek.