123Vyfer on Whale Trail
- Gratis kansellasie tot 1 week voor jou verblyf!
- Kapasiteit: 4 persone
- Geen kinders onder 10
-
Inkloktyd: 15:00 tot 00:00
Uitkloktyd: 10:00 - Adres: Vyferstraat 123, De Kelders, Gansbaai, 7220, Wes-Kaap
- Vanaf R1 690 per nag (plek vir 4)
Beskrywing
123Vyfer on Whale Trail bied gerieflike selfsorgverblyf in 'n ruim tweeslaapkamerwoonstel van 100 m² met 2 badkamers, net 100 m van die rotsagtige kuslyn van De Kelders in Gansbaai af is.
Die woonstel is op die grondverdieping en het 'n omsetter en rugsteun-batterystelsel wat alles kan aandryf gedurende kragonderbrekings. Die woonstel het 'n privaat ingang wat lei van die ondergrondparkeerplek af, 2 slaapkamers, 2 badkamers en 'n oopplan-kombuis, -leefarea en -eetarea met 'n binnebraai. Die hoofslaapkamer is ingerig met 'n koningingrootte-bed en 'n en suite-badkamer. Die tweede kamer het 2 enkelbeddens, en die tweede badkamer beskik oor 'n stort en bad, wasbak en toilet. Linne en handdoeke word voorsien.
Die moderne kombuis is toegerus vir langtermynverblyf. Die volledige reeks gehaltetoestelle sluit in: 'n yskas-vrieskas, mikrogolf, oond, gasstoof, broodrooster, ketel, Nespreso-koffiemasjien, skottelgoedwasser, wasmasjien en genoeg kookgerei.
Die sitarea het 'n 4K slim-TV wat stroomdienste vir Netflix, Prime Video, Showmax en Disney het. Gaste hoef nie hul eie besonderhede hiervoor te hê nie. Let asb. dat daar nie satelliet-TV of DStv is nie.
Die woonstel het gratis WiFi, 'n ingeboude kluis vir waardevolle items, 'n plafonwaaier vir elke kamer en 'n alarmstelsel wat gekoppel is aan 'n monitor- en reaksie-eenheid. Daar is diefwering voor al die vensters.
'n Fietsrak vir 4 fietse en 'n wasgoedlyn is beskikbaar in die privaat agterplaas. En daar is genoeg hout vir die eerste braai.
Dit is 'n grondverdiepingwoonstel sonder trappe binne, maar daar is 'n halwe trap na die voorstoep en 'n maksimum van 2 trappe buite.
Let asb. dat geen kinders tussen 0 en 10 jaar geakkomodeer kan word nie. Rook is verbode en troeteldiere word nie toegelaat nie.
Let asb. dat diagonaal oorkant die woonstel word daar 'n nuwe huis gebou, andersins is dit 'n stil, veilige woonbuurt. Verken gerus die omgewing te voet. Daar is geplaveide wandelpaaie langs die rotsagtige kus asook langer staproetes. Verken die pragtige grotte, stap, en wandelroetes in Walker Bay Natuurreservaat, dit is loopafstand van die woonstel af. Die reservaat het 'n maklike 4x4-roete wat oor die duine loop waar gaste skemerkelkies kan geniet en die sonsondergang kan waardeer. Die omgewing is ook baie gewild onder bergfietsryers.
Tussen 30 en 45 minute vanaf De Kelders is daar van die beste gholfbane in die Suidelike Halfrond.
123Vyfer is minder as 2 uur se ry vanaf Kaapstad Internasionale Lughawe, 39 minute vanaf Hermanus, 15 minute vanaf Stanford, 5 km vanaf Gansbaai, loopafstand vanaf Die Plaat en Walker Bay Natuurreservaat met sy 22 km lange strand, pragtige rotspoele en sandduine.
Kamer-opset
Slaapkamer
En suite
1 x Koningingrootte-bed
Stort, Toilet
Slaapkamer
2 x Enkelbed / Driekwartbed
Badkamer
Stort, Bad, Toilet
Dít is wat jy hier sal kry
Resensies
Gaste se hoogtepunte
Ontmoet jou gasheer
Kyk 'n bietjie na die gasheer se rekord.
4.9/5
Zelda Geverifieer
Eiendomme 1
Resensies 23
Op LekkeSlaap 8 jaar
Ligging
- Vyferstraat 123, De Kelders, Gansbaai, 7220, Wes-Kaap
- Gaste dink 123Vyfer on Whale Trail het ’n uitstekende ligging
- Gratis kansellasie tot 1 week voor jou verblyf!
- Kapasiteit: 4 persone
- Geen kinders onder 10
-
Inkloktyd: 15:00 tot 00:00
Uitkloktyd: 10:00 - Adres: Vyferstraat 123, De Kelders, Gansbaai, 7220, Wes-Kaap
