Uitmuntend. Bespreek en beleef dit! Wonderlike verblyf met net die beste. Zelda is 'n wonderlike gasvrou en loop dit ekstra myl.

Gerieflike woonstel om as basis te gebruik om die Overberg te verken. 123Vyfer bied gemaklike akkommodasie. Die woonstel is blinkskoon en goed toegerus, daar skort eenvoudig nie enige iets nie. Ons het die tyd wat ons daar tuis gegaan het goed benut om lekker te ontspan en die woonstel as basis te gebruik om die Overberg-gebied te verken. Ons sal weer daar tuis gaan.

Kan nie vir meer vra nie. Ons het besonder lekker gebly by 123 Vyfster on Whale Trail. Die eenheid was besonder skoon en netjies. Alles wat nodig was, was beskikbaar en nog meer. Ons het die stoepie baie geniet waar ons in die oggende koffie gedrink het en na die see en voëls gekyk het. Die eienaar was baie hulpvaardig en het baie goed na ons gekyk.

Kort gesins wegbreek. Ek sal verblyf hier hoogs aanbeveel. Die gasvrou is baie vriendelik en hulpvaardig met inligting en wenke oor die omgewing. Die verblyf is luuks en modern, dog warm en uiters gerieflik. Van die kombuis tot kamers en badkamers is net die beste afwerkings en bykomstighede wat die besoek so gerieflik en gemaklik gemaak het. Dit was heerlik om op die ruim stoep te sit met 'n koppie tee en die rustigheid en uitsig oor die see te geniet. Die verblyf is net 1 straat van die see af en daar is ongelooflike wandelpaadjies en uitkykpunte naby. Daar is baie om te doen in die omgewing. Winter of somer kan 'n mens heerlik hier bly en net kom ontspan. Ons kan nie wag om weer te gaan nie.

Heerlik en luuks. Goed geleë, pragtig uitgelê en vriendelik ontvang deur Zelda. Alles wat jy wil hê en meer. Luuks met alle geriewe om te ontspan, braai en kaggel. Puik WiFi en dienste.

Gerieflike, skoon en netjiese woonstel met goeie sekuriteit in 'n veilige area wat voorsien in al jou behoeftes. Ons het 123Vyfer einde Julie 2023 besoek. Met sy goeie ligging, is die woonstel 'n nuwe gunsteling-verblyfplek vir ons. Die woonstel is mooi gemeubileer, netjies, skoon en het 'n goed toegeruste kombuis. Dit was ons 40ste Huweliksherdenkingnaweek en tot ons verbasing het ons gasvrou aandag gegee aan fyn detail soos ‘n bottel vonkelwyn wat sy vir ons op die toonbank gelaat het. Ons het duidelike instruksies ontvang oor waar om die woonstel te vind en hoe om toegang daartoe te kry. Ons het die gereelde teksboodskappe, vir ingeval jy hulp nodig het en/of oulike idees wat met ons gedeel is met betrekking tot wat om in die omgewing te doen, baie waardeer en dit het beslis bygedra dat ons 'n ontspannende wintersnaweek in De Kelders geniet het. Die woonstel is 'n kort afstand van die gewilde Walkerbaai Natuurreservaat geleë en beslis 'n moet-doen indien jy kans sien om die sagte sand en klippe met jou 4X4 aan te durf of lekker bene te rek en te stap. Die kuslyn by De Kelders/Gansbaai is asemrowend en daar is orals pragtige voetpaadjies langs die see langs oor klippe en sand waar mens kan stap. Die 15 minute per motor van die skilderagtige dorpie Stanford en 'n skamele 39 minute van Hermanus sorg dat 123Vyfer baie goed geleë is om die omgewing te verken. Ons kan 123Vyfer aanbeveel en gaan beslis weer van die verblyf gebruikmaak. Dankie Zelda, tot weersiens.

Uitstekende waarde vir geld! Ons is baie vriendelik ontvang en het gou tuis gevoel. Ons was 4 volwassenes en het nooit gevoel ons is in mekaar se spasie nie. Die gasvrou het aan elke klein detail gedink om dit gerieflik en gemaklik te maak. Ek kan dit sterk aanbeveel en sal beslis weer daar tuisgaan. Baie dankie Zelda. 10/10.