13 on Long Acre

Beskrywing

13 on Long Acre is 'n lieflike selfsorgvakansiehuis in die hartjie van Parklands, Bloubergstrand. Dit kan 'n goeie opsie wees vir 'n gesin wat op soek is na 'n kuswegbreek in die Moederstad.

Dié eiendom bied gerieflike slaapplek vir 4 volwassenes en 1 kind onder die ouderdom van 9, want dit beskik oor 3 slaapkamers, 2 badkamers en 'n gastetoilet. Die hoofslaapkamer is ingerig met 'n koningingrootte-bed en beskik oor 'n en suite-badkamer met 'n stort. Die tweede slaapkamer het 'n enkelbed en die derde slaapkamer het 'n driekwartbed. Hierdie 2 kamers deel die tweede badkamer wat 'n bad en 'n stort het.

Die oopplan-leefarea beskik oor 'n kombuis wat volledig toegerus is met 'n stoof, oond, mikrogolf, yskas-vrieskas, koffiemasjien, eetgerei en breekware asook 'n ontbyttoonbank met stoele. 'n Skottelgoedwasser is ook beskikbaar. Van die kombuis af lei 'n sitkamer met gemaklike sitplek en 'n platskerm-slim-TV. Dié area het ook 'n klavier en die huis bied deurgaans gratis WiFi. Langs hierdie sitkamer is 'n etenstafel waar gaste hul maaltye saam kan geniet.

Die eetarea maak oop op 'n wonderlike buitelugruimte met 'n jacuzzi, 'n tafel en stoele asook braaigeriewe. Tydens beurtkrag is daar 'n UPS wat die Wi-Fi, ligte, TV en laaiers vir skootrekenaars en selfone sal aandryf. Besienswaardighede naby sluit die gewilde Bloubergstrand, lieflike wynroetes asook winkelsentrums met lieflike winkels en restaurante in.