Ruim, netjies, waarde vir geld. Ons was verbaas oor die lekker ruimte van ons verblyf. Die kombuis en leefarea is baie gerieflik en die kamers het lekker spasie. Die stort - heerlik om nie benoud te raak in 'n klein plekkie nie! By ons aankoms is daar 'n motorhuis aan ons gegee vir die aand wat 'n welkome verrassing was. Alles wat benodig is vir gerieflike verblyf was beskikbaar en netjies. Die plek is by die enigste winkel en restaurant, en slegs 100 m van die paadjie na die strand. Alhoewel ons net 1 aand oorgeslaap het sal ons maklik daar kon bly vir 'n verlengde vakansie. Die plek is nie modern nie, maar is regtig baie goeie waarde vir geld en gerief.

Dit was heerlik en dit is 'n pragtige plek ons het dit baie geniet. Ons het verskriklik lekker gebly die weer het lekker saam gespeel die plek is lieflik ingerig dus naby die see en die winkels ons verblyf was asemrowend. Dankie.

Ruim selfsorgeenheid, met alles wat mens nodig het. Heerlik gebly, so naby aan als, restaurant, winkel en strand net paar treë van verblyf af. Baie privaat met die mooiste tuin, voel byna asof daar moet feetjies en dwergies tuisgaan.

Gerieflik naby en skoon. Die huisie is gerieflik naby aan die strand, die winkeltjie en die restaurant, geleë in 'n baie mooi tuin. Die ontvangs was vriendelik en die huis baie netjies. Daar is 'n lekker buitebraai-area op die stoep. Die badkamer word gedeel met twee deure aan weerskante. Ons het net een nag oorgeslaap maar die huis is gerieflik genoeg ingerig vir 'n langer verblyf.

Baie netjiese gemaklike en ruim cottage ideaal geleë in Natures Valley. Vriendelike ontvangs en baie hulpvaardige diens gekry. Sien sterre.

Die verblyf was uitstekend, skoon en netjies. Die linne van hoë gehalte. Genoeg spasie vir 4 mense sonder om opgekrop te voel.

Gesellig. Baie lekker bekostigbare verblyf, tuin is 'n voëlparadys naby die strand en restaurant.

Dit was wonderlik, die perfekte plek vir rus en stilte. Dawn is 'n fantastiese gasvrou, vriendelik en behulpsaam, en respekteer gaste se privaatheid. Ons vakansie kon nie op 'n beter plek gewees het nie.

Baie lekker. 'n Heerlike en gerieflike gastehuis waar ons lekker privaat was. Net parkering, as daar meer as een gas is, kan bietjie lol. Maar Dwan en haar man was uiters behulpsaam en het ons verblyf sommer baie aangenaam gemaak. Ons sal beslis weer gaan.