Baie lekker gebly, uitstekende waarde vir geld! Ons het heerlik gebly! Eienaars is baie vriendelik en die eenheid het alles wat mens nodig het. Stapafstand van winkels en sommer oorkant die straat is die strand!

Privaat en uiters ontspannend! Wat 'n wonderlike, klein juweel! Christine en Norman het ons met ope arms ontvang in 'n baie hartseer tyd van die afsterwe van my 90-jarige Moeder. Hul menslikheid, sorg en buigsaamheid spreek van naasteliefde. Die knus verblyf is tip-top netjies en het alles wat 'n mens nodig het. Die lafenis van die Atlantiese Oseaan lê oorkant die perseel en die gedruis van die brekende golwe sus mens aan die slaap en die roep van seemeeue laat mens vroegoggend ontwaak. Uitstekend geleë en naby die OK, sowel as verskeie smulpaap eetplekkies. Christine bederf haar gaste met 'n lekker botteltjie beskuit en 'n houertjie vars koeimelk vir daardie Weskus-boere-verwelkoming. 'n Lekker-slaap-tuiste by die see duisend. Ons sal beslis weer kom en enige iemand wat nie hierdie akkommodasie 'n geleentheid bied nie, is sy/haar wysheid tekort. Dankie Weskus vriende!

Baie lekker. Die vriendelikste tegemoetkomste, gasvryheid. Christine het my heeltemal tuis laat voel, en het my privaatheid gerespekteer en ek het geen tekortkominge gehad nie. Baie, baie dankie🩷.

Pragtige plek met pragtige uitsig en wonderlike gasheer en vrou. Dit was ongelooflik. Uitsig prentjie pragtig en absolute wonderlike gasheer en vrou. Sal definitief dit aanbeveel.

Rustig. Pragtig. Pragtige, skoon eenheid reg by die see. Geriewe is prakties en dienlik met alles wat jy in 'n selfsorgeenheid sal verwag en meer. Warm, vriendelike gashere wat ons baie welkom en tuis laat voel het. Sal definitief aanbeveel vir 'n paartjie met 'n kind.

Rustig, veilig. Baie lekker gebly. Eienaars baie vriendelik en behulpsaam. Kamer mooi netjies met spesiale geskenkie van beskuit wat saam jou koffie geniet kan word.