Puik! Vriendelik! Heerlik gebly. Waarde vir geld!

Puik! Dit was baie aangenaam om daar te kon oorslaap - sentraal aan waar ek moes wees. Baie vriendelike diens ontvang, pragtige kamer en geriewe .

Absoluut die moeite werd! Ons het baie lekker geslaap. Die gastehuis is skoon, netjies en alles wat jy nodig het, is daar. Jy kan selfs 'n vleisie braai indien jy sou wil. Dit is 'n pluspunt beslis! Ons sal vir seker weer gaan en ons sal gereeld Pta toe gaan. Ek wil ook net dankie sê vir - ons het iets in die kamer vergeet en sy het dit onmiddellik vir my terug gestuur sonder enige ekstra kostes! Baie dankie daarvoor! Dit kry jy nie aldag nie!

Aangenaam lekker gebly. Dankie, baie lekker. Sal weer daarvan gebruik maak.

Puik gastehuis maar maak asb. werk van daardie deur! Dis regtig 'n puik plek om te oornag. Maar, die middeldeur tussen die kamers werk nie as die ander gaste tot laatnag hard TV kyk nie. Ongelukkig het almal nie dieselfde sin vir konsiderasie nie.

Die eenheid is mooi netjies, skoon en goed toegerus. Sal verseker weer daar bly. Ons het lekker gebly. Die eenheid was mooi netjies, skoon en goed toegerus. Die eienaar was behulpsaam en vriendelik. Ek kan verseker @241 Enkeldoorn Guesthouse aanbeveel.

Gerieflike, skoon en netjies oornagverblyf of selfs vir 'n paar dae se verblyf. Ek en my twee tienerdogters het oorgebly. Die twee kamers wat ons bespreek het, was goed toegerus en skoon gewees. Die diens wat ons ontvang het, was baie goed gewees, veral aangesien ons weens ons vlug vanaf Kaapstad eers na 20:00 gearriveer het en steeds vriendelik ontvang is. Die gastehuis was gedurende ons verblyf ook in verbinding via WhatsApp om seker te maak alles gaan nog goed en dat ons tevrede is met alles. Die gastehuis is sentraal geleë vir maklike toegang tot die Montana en Doornpoort areas en ook naby aan die N1 en N4 snelweë vir maklike toegang. Veilige parkering agter 'n gemotoriseerde hek en ook sekuriteitskameras. Afhangende van ander reisigers se voorkeure kan mense dalk kennisneem van die volgende: Ons was net van die Vrydagaand tot vroeg Sondagoggend by die gastehuis, dus tydens die stiller verkeersdae in die omgewing. Daar was wel reeds vroeg op die Saterdagoggend verkeer hoorbaar op Enkeldoornpad waar die gastehuis geleë is, maar aangesien ons reeds vroeg op was, het dit nie veel gepla nie. Daar was ook 'n haan wat Saterdagoggend net na middernag met gereelde tussenposes gekraai het en ook Sondagoggend net na 4 vm. Dit het geklink of die haan op die aangrensende perseel is en dit was effe steurend gewees.

Gerieflik en professioneel. Was professioneel, vriedelik en gerieflik. Ek waardeer die moeite en sal die gastehuis aanbeveel aan ander gaste wat naby Montana hospitaal verblyf soek.