Lekker, dankie. Ek was beïndruk met die kombuis toebehore. Baie dankie. Sou verkies om klein sepie en sjampoe in die badkamer te hê. Moes na die winkel gaan om te gaan koop, nie saamgebring nie, want die meeste plekke verskaf dit.

Fantasties! Dit was die beste ondervinding deur LekkeSlaap tot op datum. Die diens deur die 26 La Mer - Ground Floor-span was ongelooflik. Hulle het my op hoogte gehou van die bespreking, additional opsies en inligting aangebied (soos wanner loadshedding sal wees, ek kon vooraf inkopies bestel en laat aflewer, alles was reeds weggepak toe ons arriveer) Gabi by La Mer was "next level" diens. Die eenheid was skoon, ongelooflik goed toegerus in die kombuis, nuut, modern. Daar was selfs 'n son sambreel vir die strand beskikbaar. Alles was in 'n goeie werkende toestand, amper nuut. My enigste kritiek is die wifi spoed, veral omdat die DStv-kanale limited was en kinder is altyd besig op iets te stream op hulle fone/ipads. Ek sal die La Mer-span en eenheid aanbeveel 10/10! Baie dankie!

Baie mooi, skoon eenheid en ontvangs deur Gabby was uitstekend. Die eenheid is baie skoon en netjies met alles in wat jy benodig. Die ontvangs was ook uitstekend, sal hierdie eenheid \ kompleks enige tyd aanbeveel.

'n Wonderlike ervaring, baie netjiese plek, gemaklik en tot gevolg gehad dat ons 'n wonderlike vakansie kon beleef. Ek kan vir seker hierdie verblyf aanbeveel. Daar is daagliks 'n skoonmaker wat help om die plek skoon en netjies te hou, wat dus jou vakansie-ervaring verder vat dat jy nie ook moet huis skoonmaak en bed opmaak nie. Die feit dat die eenheid op die grondvloer is, maak dit soveel lekkerder om saam met jou kinders die grasperk te geniet. Baie netjiese eenheid waar alles behoorlik werk. Ek kan dit voorwaar aanbeveel.

Droomvakansie! Ons tydjie by La Mer 26 was perfek! Gabi en die dames wat skoonmaak is vriendelik, professioneel en deeglik. 'n Asemrowende uitsig oor die see en die rustigheid van die kompleks is 'n wenresep vir 'n wonderlike vakansie. Die woonstel is pragtig, met alles en meer waarvoor mens kan vra. Daar is soveel liefde en aandag in elke aspek van hierdie pragtige woonstel ingesit dat mens nie anders kan as om alreeds jou volgende vakansie te beplan nie. Die enigste nadeel was dat ons nog langer kon bly nie!

Baie goeie akkommodasie. Baie goed, gemaklik met al die nodige toerusting met 'n fantastiese uitsig.

Baie lekker. Pragtige plek en sal weer terugkom. Stoof moet net vervang word. Plate opgeswel en een plaat was al gebars. Sukkel om kos so gaar te maak.

Pragtig! Baie tevrede, alles van die parkering tot die beddens was goed ingerig, en die uitsig maak dit net nog mooier! Baie, baie gelukkig!

Die perfekte huis weg van die huis met kinnertjies. Ons is absoluut mal oor die akkomodasie gewees. Le-che was vreeslik oulik gewees en so hulpvaardig. Die huisie was skoon en het alles gehad wat jy kon nodig hê. Hulle het selfs vir ons twee eetstoeltjies vir die kleintjies gegee en gehelp met die strykwerk. Die woonstel het 'n pragtige uitsig op die see en 'n lekker grasperk vir die kinders om te speel. Stapafstand van 'n private strand en die kompleks se swembad en speelplek is van hoë gehalte. Ons kom vir seker weer terug.