37 Skerry Vore

Selfsorg

Kapasiteit: 7 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Skerry Vore-straat 37, Plettenbergbaai, 6600, Wes-Kaap
Vanaf R2 500 per nag (plek vir 7)

Beskrywing

37 Skerry Vore is 'n ruim selfsorgvakansiehuis wat in die pragtige kusdorpie Plettenbergbaai geleë is.

Dié dubbelverdiepinghuis beskik oor 4 slaapkamers en 2 badkamers asook 'n gastetoilet op die grondvloer. Twee van die badkamers is toegerus met baddens en storte en 'n derde badkamer op die boonste vlak het 'n stort. Alle beddegoed en linne word voorsien.

Die kombuis het 'n yskas-vrieskas, 'n mikrogolfoond, 'n stoof, 'n oond, 'n skottelgoedwasser, breekware en eetgerei. Die waskamer is toegerus met 'n wasmasjien en 'n tuimeldroër.

Daar is 2 vermaak-patio's - 1 op die grondvloer en 1 op die boonste verdieping met 'n pragtige uitsig oor Robberg en die omgewing. Albei patio's het braaigeriewe en sitplek. Daar is 'n pragtige tuin en 'n grasperk.

Daar is ook 2 sitkamers met leeshoekies. Die onderste sitkamer het 'n gemaklike leerbank sowel as 'n eetarea met 'n 8-sitplek-eetstelstel. Die boonste sitkamer het 'n gemaklike sitkamerstel en 'n TV met DStv Premium. Dit lei na 'n onderdakstoep met 'n ingeboude braai en 'n buite-eetstel deur skuifdeure. 'n Weber en stoeptafel is beskikbaar.

Daar is 'n dubbelafstandbeheerde motorhuis beskikbaar en die huis het 'n alarmstelsel.

Die huis is net 500 m vanaf Sanctuary Beach en 4 km vanaf Robberg Natuurreservaat geleë. Plettenbergbaai is 'n heerlike vakansiedorp op die Tuinroete wat winkelsentrums, restaurante en 'n verskeidenheid doendinge vir alle ouderdomme bied. 'n Nuwe Checkers en Dis-Chem-sentrum, met lieflike koffiewinkels, is net 700 meter van die huis af.

Kry ’n Kwotasie