Die woonstel is netjies, maar ongerieflik en nie goeie diens vanaf gasvrou nie. Ons het die strand/see geniet, maar moes 'n paar aanpassings maak t.o.v. die woonstel. Die ingeboude braai op die stoep is nie bruikbaar nie, want die skoorsteen is toegemessel, so ons moes 'n braaier gaan koop. Die gasvrou het my nooit teruggeskakel nadat ek 'n boodskap vir haar gelos het nie. Die gemeenskaplike braaifasiliteit was buite die kwessie weens weersomstandighede/erger wind. Die geraas in die nag tot 2h00 is oorverdowend. Dit kom vanaf die nuwe winkelkompleks se nagklub/restaurant.

Netjiese eenheid, gerieflik naby restaurante, en besigheidsarea. Die kompleks self is baie stil en rustig. Ons het die verblyf baie geniet, alhoewel ons klein kinders het en dit op die derde verdieping was het ons net altyd 'n ogie oor hul by die balkon gehou. Hulle het dit baie geniet om die see te sien van daar af met die skepe se liggies saans.

Ligging is so 800 m weg van see, moet oor pad loop. Lekker gekuier. Eenheid 21 is baie netjies maar daar kan gewerk word aan die netheid van die oond. Daar is kragonderbrekings maar geen kerse was voorsien nie dus was ons onkant gevang. Kan ook nie op die stoepie braai nie en die skottelbraaier was weggeneem toe ek vra om skoongemaak te word. Mens is nie altyd lus om die algemene braaigeriewe buite te gebruik nie, veral nie as dit reën en koud is nie.

Mooi omgewing, jammer vir konstruksie wat tans aan die gang is om die omgewing. Skoon en netjies. Goed geleë t.o.v. strand, winkels en restaurante. Konstruksie in proses langs kompleks, sou nie hier bespreek het as ek dit geweet het nie. Vreeslike geraas van vroeg soggens tot 17h00.