605 Nautica

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Clamstraat 18, Table View, Kaapstad, 7441, Wes-Kaap
Vanaf R1 950 per nag (plek vir 4)

Beskrywing

605 Nautica is 'n selfsorg-woonstel op die 6de vloer van die Nautica-kompleks, reg oorkant die pad van Dolphin Beach. Die woonstel bied 'n ongelooflik uitsig vanaf die patio op Tafelberg, Robbeneiland en oor die Atlantiese Oseaan. Gaste kan moontlik tydens walvisseisoen die walvisse gewaar wat Tafelbaai besoek, asook die oorvloed van dolfyn wat heen en weer oor die kus swem.

Dié woonstel het slaapplek vir 4 gaste en beskik oor 2 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n koninginggrootte-bed en 'n en suite-badkamer met 'n stort, toilet en 'n wasbak. Die uitsig oor Tafelberg en die oseaan vanaf dié slaapkamer is asemrowend. Die tweede slaapkamer het 2 enkelbeddens en gebruik die aangrensende badkamer met 'n bad, toilet en 'n wasbak.

Die kombuis is ten volle toegerus vir selfsorg en het 'n skottelgoedwasser, stoof, oond, yskas-vrieskas, mikrogolfoond, eetgerei en breekware. Daar is ook 'n ontbyttoonbank met stoele. Die eetarea het sitplek vir 4 mense en die sitkamer het 'n gemaklike bank en platskerm-TV met Netflix. Gratis WiFi word ook voorsien.

Die kompleks het 'n gemeenskaplike swembad en braaigeriewe. Gratis en veilig parkeerplek word binne 'n motorhuis voorsien. Daar is wasgoedgeriewe op die grondvloer met 2 groot wasmasjiene en tuimeldroërs.

Nautica is binne stapafstand van die MyCiti-bushalte en dit bied toegang tot die V&A Waterfront, die middestad en die lughawe. Die Durbanville-wynroete is naby en ander wynroetes soos Paarl, Stellenbosch en Franschhoek is maklik bereikbaar. Bayside Mall is ideaal vir inkopies en dis net 3 km van die woonstel af en die nuwe Table Bay Mall is ook naby.

Kry ’n Kwotasie