Heerlik, ontspannend. Die akkommodasie is heerlik en goeie ligging. Die akkommodasie kort net 'n wasgoedlyn/iets om nat swemklere op te kan hang en ook net loer na ligte in die husie wat nie werk by trap. Laaie in kombuis met mandjies kort 'n diens, hulle kon nie oopmaak a.g.v. runners wat nie werk nie.

Netjies en skoon in 'n veilige area. Baie lekker gekuier.

Gerieflik. Handdoeke in treurige toestand. Messe stukkend. Kragprop in hoofslaapkamer hang uit muur. Badprop werk nie.

Die plek moet opgradeer word, die ketel het gelek en geen antenna om TV te kyk nie. 75 Dune's Resort benodig opgradering. Geen antenna vir TV, ketel wat lek, geen badkamermatjies. Geen besem of mop om op te vee, gebreekte messe. 'n Totale mors van geld om so ver te ry sonder om als te hê wat jy by jou eie huis sou kry nie. Aan die eienaar: hou asb. jou belegging op datum as jy 'n inkomste wil genereer met verhuring. Sal nie weer hiervan gebruik maak nie.

Gefrustreerd met groot hoeveelheid agterstallige instandhouding. Reeds ons derde keer by The Dune's. Die oord self is steeds baie lekker, maar die spesifieke wooneenheid was baie teleurstellend. Daar was 'n hoop klein probleempies wat individueel nie te erg is nie, maar almal saam was baie frustrerend. Ek lys hulle graag: 1) Geen/ bitter swak TV-ontvangs - kon dit glad nie gebruik al was die TV klaarblyklik relatief nuut. 2) Muurprop in hoofslaapkamer uit muur uitgehang aan los drade. 3) Spieël in badkamer het aan een skarnier gehang tot ek dit reggemaak het. 4) Die badprop het geen seël nie, so kan glad nie bad nie - problematies met klein kinders. 5) Helfte van die sitkamer/eetkamer area se ligte is uit - gloeilampies geblaas. 6) Die buite deure se hakke wat hulle teen die muur inhaak, is uitgebreek uit die muur, so kan nie die deure oop hou as daar wind waai nie. 7) Stort teëls lig. 8) Geen hangers in kaste nie. 9) Geen klere droograk nie, so nat swemklere kan nêrens opgehang word nie - vorige 2 keer het eenhede dit wel gehad, maar weet nie of dit standaard is nie. 10) Breekgoed is totaal uit pas met hoeveelhede potensiële gaste bv. 3 koeldrankglase, 9 wynglase, 5 borde. Van die ses steakmesse is 2 onbruikbaar weens stukkende handvatsels. 11) Groente mandjies/laaie se skarniere se rollers werk nie lekker nie - sodra jy iets swaars soos aartappels daarin sit kan dit nie ooptrek nie. Het wel die probleme gaan aanmeld by ontvangs, maar hulle het my net verwys na die kompleks opsigter. Na die 4de onsuksesvolle poging om hom in die hande te kry dit maar gelos. Ons sal weer Dune's toe gaan, maar definitief nie na die eenheid toe nie - die eienaars moet dalk 'n draai gaan maak en self gaan kyk. Daar is ook redelik waterskade teen die kombuis muur af maar dit het nie gereën toe ons daar was nie so weet nie of die lekplekke reggemaak is of nie.

Regtig baie lekker, netjiese ruim verblyf, naby Plet en die see. As 'n gesin met 2 tieners het ons die 4 nagte by Dunes baie geniet. Die plek is pragtig en baie goed toegerus met als wat nodig is. Ons het die Woensdagaand saam vriende gebraai en musiek gemaak en die bure skuins agter was baie vriendelik en verwelkomend. Die trappe is gevaarlik vir klein kinders en babas, maar vir tieners geen probleem. Die TV se opvangs was baie swak, sodat ons nie kon TV kyk nie, maar gelukkig was ons baie min by die eenheid, aangesien ons baie rondgekuier het.