Veilige, rustige en stil omgewing. Ons het baie lekker gebly, dankie.

Heel aangenaam behalwe vir geen braaier! Die ligging is ideaal en dis baie veilig en sentraal geleë. Maar daar is bietjie instandhoudingswerk nodig. Die braaier is nie bruikbaar nie en lê in stukke op die stoep. Die badkamer se handvatsel werk net van buite af, dus sit jy binne vas, tensy iemand anders vir jou kom oopmaak. Daar was met aankoms ook geen toiletpapier of Sunlight liquid nie.

Lekker rustig die swembad geniet, baie dankie. Dit was 'n lekker rustige plekkie, net 'n jammerte ons het nie die eienaar ontmoet nie, ook nie 'n verwelkoming nie. Ook nie al ons breekbare deposito teruggekry nie. Niks was gebroke nie. Kommunikasie van die eienaar se kant was swak. Bietjie baie ontsteld, maar dankie vir die blyplekkie.

Die plek was netjies en skoon. Ek het gesukkel om die eienaar in die hande te kry, wat die inboek so bietjie uitdagend gemaak het. Met geen ander opsies sal ek weer van hulle gebruik maak, maar ek sal eers probeer om iets anders te soek.

Lekker geleë maar baie swak diens en geen gerief nie. Geen TV en ons was saans tuis met 2 kindertjies wat geen TV kon kyk nie - die wasgoed was nog op die draad in die huis toe ons daar aankom. Baie van die lys van kamers se inhoud was of vermis of minder daarvan - ons moes deur elke lys gaan om seker te maak van als en die vermiste goed aan die gasvrou deurstuur sodat ons nie verantwoordelik sal gehou word daarvan nie. Die WiFi wou nooit werk nie, so kinders kon ook nie op fone iets probeer kyk nie en ons kon nie werk emails stuur saans nie. Die handdoeke was muf en die badkamer het geen ventilasie nie. Ons het al voorheen in 2-ster-plekke gewoon en nog nooit soveel probleme gehad nie. Die lampies in die kamers was nie ingeplug nie en het nie eens gloeilampies ingehad nie - ons kon nêrens gloeilampies vind nie, en dit was baie ongemaklik om die kinders aan die slaap te kry sonder TV, sonder sagte lig in die kamer in 'n vreemde plek. Ons kon nie die krieketfinaal kyk tuis nie en moes met die kinders in 'n sportskroeg gaan sit om dit te kon sien, wat baie ongerieflik was. Mens bespreek juis 'n plek binne jou perke wat vir jou gerief sal toon, veral met kindertjies sodat jy roetine saans steeds kan handhaaf. Ongelukkig het die plek dit geensins gebied aan ons nie en dit was baie ongerieflik. Definitief nie eens 2-ster-verblyf nie.

Sien bo. Nee, meeste meubels en linne is oud en opgebruik. Die wasmasjien was stukkend en is gerapporteer en sou die volgende dag uitgesorteer word, maar dit is nooit gedoen nie. Die badstort het nie eens 'n gordyn of skerm nie (net 'n geroeste pyp), wat die badkamer elke keer vol water laat loop as dit gestort is. Die handdoeke is oud en al bruin gevlek. Die banke is al so verweer dat dit met komberse bedek word.

Teleurgesteld. Glad nie die plek is vuil nie. Geen TV. Elektriese toebehore is foutief. Met aankoms kon ons nie die sleutel kry. Swak beplanning.