Beskrywing

92 Sea Lodge bied gerieflike selfsorgverblyf in 'n drieslaapkamerwoonstel met 'n see-uitsig. Dit is in die Sea Lodge-kompleks in Umhlanga.

Die woonstel het slaapplek vir 6 gaste in 3 slaapkamers. Die hoofslaapkamer het 'n dubbelbed en die en suite-badkamer het 'n bad en 'n toilet. Daar is 'n dubbelbed in die tweede slaapkamer en die derde slaapkamer het 2 enkelbeddens. Hierdie 2 slaapkamers gebruik 'n gastebadkamer met 'n stort en 'n bad. Die hoofslaapkamer en tweede slaapkamers bied albei toegang tot 'n balkon waar gaste die see-uitsig kan geniet.

Die woonstel het 'n oopplan-kombuis, -sitarea en -eetarea. Die kombuis is met 'n yskas, oond, stoof, mikrogolf, skottelgoedwasser, wasmasjien en tuimeldroër toegerus. Daar is 'n TV met sekere DStv-kanale in die sitarea en die woonstel het plafonwaaiers en WiFi.

Gaste het toegang tot onderdakparkeerplek in die kompleks en kan gerus die gemeenskaplike swembad gebruik. Die kompleks bied toegang tot die strand, promenade en Umhlanga Village. Die woonstel word daagliks skoongemaak behalwe op Sondae en openbare vakansiedae.