A Perfect

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Jacqueslaan 1, Wellington, 7655, Wes-Kaap
Vanaf R4 430 per nag, vir 6 mense
TGCSA-gradering:

Beskrywing

A Perfect is 'n selfsorg-eenheid wat in die mooi Bolandse dorpie Wellington geleë is. Die huis het slaapplek vir tot 6 gaste en is na aan die dorp, die Boland Stadion en Hugenote Laer- en Hugenote Hoërskool.

Die eenheid is privaat, op die onderste verdieping van die hoofhuis, en het sy eie afstandbeheerde hek, veilige parkeerplek vir 3 voertuie en 'n privaat voordeur. Die eienaar woon op dieselfde perseel op die boonste verdieping. Daar is 3 slaapkamers met lugversorging en privaat badkamers. Die slaapkamers is baie modern en beddens is oorgetrek met goeie gehalte, kraakvars, wit linne. Badhanddoeke en 'n beginpakkie met seep, sjampoe, badskuim en toiletpapier word voorsien. Gaste moet asseblief hul eie swemhanddoeke saambring.

Die moderne oopplan-kombuis het granietoppervlaktes, 'n yskas-vrieskas, 'n stoof, 'n mikrogolfoond, 'n wasmasjien en skottelgoedwasser. Ons voorsien ook 'n beginpakkie vir die kombuis wat bestaan uit koffie, tee, suiker en melk. Die sitkamer het lugversorging en 'n TV met volledige DStv Explore Premium wat 'n alle fliekkanale, reeks-kanale en sportkanale insluit. Die leefarea maak oop op die onderdak braai-area buite met lieflike berguitsigte. Die lieflike tuin bied 'n swembad wat gaste mag gebruik en daar is parkeerplek vir 3 voertuie. Gratis WiFi is beskikbaar regdeur die eenheid.

Wellington is 'n lieflike omgewing wat omring word deur berge en wingerde. Dit is waarlik die ideale plekkie om net te ontspan en die omliggende natuur te geniet. Hierdie eenheid is ook naby die wegspringpunt van die bekende Perdeskoen-roete wat 5 km lank is. Die roete loop tussendeur plase en wingerde en is gewild onder fietsryers, drawwers en stappers. Oorkant A Perfect is daar 'n munisipale park met swaaie en glyplanke waar kinders lekker kan speel.

Kry ’n Kwotasie