Aan-den-Weg

Gastehuis

Langtermynverblyf-aanbod 15% af

Kry 15% af vir verblyf wat 15 nagte of langer is. Geldig vir verblyf vanaf 24 Okt 2024 tot 30 Apr 2025.

Gratis kansellasie tot 1 week voor jou verblyf!
Kapasiteit: 6 persone
Geen kinders onder 7
Inkloktyd: 14:00 tot 19:00
Uitkloktyd: 10:00
Adres: Aan-den-Weg Plaas, Stellenbosch Kloof Pad, Vlottenburg, 7604, Wes-Kaap
Vanaf ~~R1 960~~ R1 666 per nag, vir 2 mense
TGCSA-gradering:

Beskrywing

Hartlike gasvryheid wag op jou by Aan-den-Weg, 'n wyn- en roosplaas wat net 10 km van Stellenbosch af geleë is. Gaste wat hier tuisgaan word omring deur roosplantasies, wingerde, vrugteboorde en luisterryke uitsigte. Dis 'n absolute paradys vir natuurliefhebbers en 'n toevlugsoord waar besoekers weer vrede kan vind.

Die verblyf word aangebied in 2 eenhede wat elkeen 'n toegeruste kombuisie met 'n yskassie, oond of 'n lugbraaier en 'n mikrogolfoond, broodrooster, ketel en warmplate. Al die kamers is koel in die somer, bied pragtige uitsigte en is met vars rose versier. Petra bedien Maandae tot Vrydae heerlike ontbyt op die stoep, maar gaste moet dit 2 dae vooruit reël. Ander geriewe in die kamers sluit gratis WiFI, sonpanale, haardroërs en platskerm-TV's met sekere DStv-kanale in. 'n Skoonmaakdiens is ingesluit en is Maandag tot Saterdag beskikbaar. Daar is 'n skaduryke stoep met braaigeriewe en parkeerplek op die perseel.

Aan-den-Weg is ideaal vir gesinne, wynliefhebbers en besoekers wat die Kaapse Skiereiland en -Wynlande wil verken. Dit is geleë in Stellenbosch Kloof, in die hartjie van die Stellenbosch Wynroete en net 20 minute se ry van die lughawe af. Dit is nét die plek vir die begin of einde van jou rustige vakansie.

Koel af in die groot oefenswembad op die perseel, lees of ontspan net lekker terwyl jy jouself verlustig in die asemrowende berg-uitsigte. Verloor jouself in die plattelandse atmosfeer. Kyk vir die voëltjies bedags en die pragtige sterre snags. Sit in die natuur of op die stoep met 'n glasie wyn in die hand. Laat jou gashere toe om jou bekend te stel aan die aktiwiteite op die plaas.

Die druiwe word in Februarie en Maart geoes. Stap tot op die heuwel op die plaas (3 km) en tussen 6 hektaar se roosplantasies en 64 hektaar wingerde. Geniet die kaleidoskopiese uitsigte van die wingerde wat oprank teen die Stellenbosse berge. Gaste kan heerlike maaltye geniet binne 'n 3-5 km-radius vanaf die plaas by die wynlandgoedere Jordan, Vredenheim, Neethlingshof en Spier.

Kry ’n Kwotasie