Baie rustige kuier in 'n pragtige stil omgewing. Pragtige, keurig gemeubileerde eenheid. Heerlike oase na 'n lang reis.

Die Van der Post huis is pragtig. Pragtig - "cosy". Die huisie is gemaklik ingerig vir oornag. Die plaasdiere se geluide en rustige Karoo-stilte is salig vir jou siel - jy vergeet jy is in die dorp. Jammer ons was nie op tyd vir Ouma Anna se restaurant nie - volgende keer!

Mini vakansie in een oorslaap. Heerlik gebly. Dankbaar vir die Weber braai en ook die waaiers. Gasheer was wonderlik.

Absolute teleurstelling vir die bedrag wat ons moes betaal. Met aankoms het ons verby die plek gery, omdat daar 'n swak aanduiding was van waar die huis is. Ons was nogal teleurgesteld met wat ons gekry het. Met aankoms was daar geen water nie - die plek het vergeet om die plug van die pomp aan te sit. 'n Groot probleem was, wanneer daar loadshedding is, is daar geen water nie en moet jy met kanne water in die badkamer werk. Dit was 'n groot ongemak die oggend wat ons wou ry - almal was natgesweet na die nag van in 'n "oond" slaap, maar nie een van ons kon die volgende oggend stort voor ons wou ry nie. Daar was binne die huis geen tafel om by te eet nie, die enigste tafel was buite en beide die tafel en stoele was besonders vuil en het mens net heeltemal afgesit om daar te eet. Die plek het net twee (een groot en een klein) staal waaiers wat se koppe nie kan draai nie. Die een waaier het by die onderpunt van die dubbelbed op die vloer gestaan. Dus kon die waaier net soortvan die een persoon wat op die dubbelbed slaap koud waai. Die ander klein waaier was bo in die loft. Daar kan drie mense bo slaap - die waaier se kop kan ook nie draai nie. Gelukkig moes net een persoon daar slaap anders sou daar 'n bakleiery wees vir wie die waaier kry. Die hoofslaapkamer het 'n kaggel in met 'n geboude trap. Die dubbelbed staan teen die trap, my ouers van oor die 70 moes daar slaap en my pa se voet het meer as eenkeer aan die trap gehaak - iets wat moontlik baie gevaarlik kan wees. Die huis se vloere is ook baie glad en al drie van ons het 'n paar keer gegly en amper geval. Die badkamer het geen plek gehad om jou badsakkie of skoon klere neer te sit nie. Ons kon geen van ons "toiletries" uitpak nie en moes alles op die vloer plaas. Behalwe vir die toilet was daar geen plek om jou skoon klere neer te sit vir aantrek na jy gestort is nie. Die hek buite by die voertuig se slot het nie gewerk nie, dus kon ons nie die hek sluit nie. Vir 'n plek wat pet friendly is, was die plek glad nie goed omhein nie en kan 'n klein hondjie maklik van die perseel af wegkom. Vir R1800 per nag het ek regtig gevoel daar kan ten minste ordentlike staan waaiers wees. Ten minste 'n koffie tafel in die sitkamer om by te eet en 'n anderplan met loadshedding om vir die gaste van water te voorsien.

Oulike plek. Instandhouding nodig vir vogprobleem in badkamer. Sou waardeer het as tuinarea waar Weber staan en spinnerakke tussen venster en hortjies afgestof gewees het by sitkamer. Andersins pragtige, duursame meubels en beddegoed en eetgerei!