Albatros Guest House

Gastehuis

Kapasiteit: 18 persone
Geen kinders onder 6
Inkloktyd: 14:00 tot 20:00
Uitkloktyd: 10:00
Adres: Homestead-straat 20, Margate, 4275, KwaZulu-Natal
Vanaf R1 390 per nag, vir 2 mense
TGCSA-gradering:

Beskrywing

Albatros Guest House is stapafstand van die strand en die gonsende dorpie met al sy restaurante en winkels af. Dié spoggerige gastehuis is in die middel van die gewilde Gholfkus en bied luukse akkommodasie en uitstekende uitsigte.

Elke luukse kamer het lugversorging en 'n en suite of privaat badkamer, en is toegerus met 'n TV met sekere DStv-kanale, koffie- en teemaakgeriewe, haardroër, en 'n privaat balkon met 'n puik uitsig oor die see. As jy op die regte tyd van die jaar hier kom bly kan jy kyk hoe die walvisse en dolfyne baljaar, of selfs die sardientjieloop aanskou, dit is Margate se natuurlike juweel en is die grootste skool sardientjies op aarde.

Albatros Guest House bied ook geriewe soos 'n onderdakbraai (wat voor die tyd bespreek moet word indien jy dit wil gebruik), 'n pooltafel, 'n swembad, en parkeerplek. Ontbyt kan soggens op die dek genuttig word. Die huis en tuin is veilig en het 'n alarmstelsel.

Maak gerus 'n draai by die eindelose strand, beleef die Indiese Oseaan se warm water, ry branders, of skubaduik saam met die haaie by Protea Banks en Aliwal Shoal. Dan is daar ook nog walvis- en dolfynkyk-uitstappies, en diepseehengel-ekspedisies, dis 'n absolute fees!

Kry ’n Kwotasie