Beskrywing

Alldays & Onions Gastehuis is in 'n klein dorpie met die naam Alldays, geleë. Hierdie B&B in die noordelike Bosveld is ideaal vir reisigers wat gerieflik wil wegbreek en ontspan met die opsie van 'n hele rits doendinge in die omgewing.

Ons akkommodasie word in 4 ruim kamers aangebied wat identies ingerig is. Elke kamer beskik oor 2 driekwartbeddens wat as 'n koninggrootte-bed geskuif kan word. Verder bied elke kamer 'n en suite-badkamer met 'n stort, wasbak en 'n toilet. Alldays & Onions Gastehuis het 'n gemeenskaplike sitkamer- en kroegarea met 'n platskerm-TV waar sekere DStv-sportkanale gekyk kan word. Koffie en tee is in die eetkamer beskikbaar waar smaaklike maaltye ook op versoek bedien word.

Daar is 'n hele rits avonture om in Alldays se geweste aan te pak. Die Mapungubwe Nasionale Park met sy ryk argeologiese geskiedenis en status as wêrelderfenisgebied is nabygeleë. Die Blouberg Natuurreservaat is ook nie ver nie en bied die gewilde aasvoël-restaurant en asemrowende kranse. Verder is daar toere na die krokodilplaas, voëlkyk, visvang en wildritte wat op versoek gereël kan word.