Baie nice Uitstekende lodge vir oorslaap of net rustig wees. Sien sterre toegeken. Baie aangename en behulpsame gasheer. Sal beslis weer hier oorslaap as die geleentheid hom voordoen.

Onvergeetlike ervaring. Rus vir jou siel en verkwikking vir jou gemoed. Die stilte van die plaas en die omgee van die gasheer en -vrou. Met ons aankoms was ons gul ontvang deur die gasvrou. Al was daar beurtkrag, het hulle geen moeite ontsien om ons te laat welkom voel nie. Ons was nooit bewus van beurtkrag nie, want die kragopwekker was altyd gereed. Die boma was so 'n aanwins waar ons tot laataand na die sterreprag kon kyk.

Lekker! Pragtige omgewing en geriewe. Baie netjies. Louaan het ons 'lekker' tuis laat voel en smaaklike 'T-bones' bedien.

Baie lekker gebly by Almar Exclusive Game Ranch! Almar Exclusive Game Ranch is pragtig en baie netjies. Louaan was 'n ster! Ek het van my goed in die kamer vergeet en hy het dadelik aangebied om dit vir my te courier huis toe. Ons het baie lekker gebraai en gekuier by die boma. Die enigste ding wat mis is WiFi in die kamers. Daar is WiFi, maar net by ontvangs.

Baie rustig met die mooiste wildbesigtinge. Die eienaar gaan uit sy pad uit om elke gas tuis te laat voel. Ons het behoorlik ons batterye herlaai.

Eienaar vriendelik, omgewing pragtig, verblyf mooi en skoon. Lekker gesels met die eienaar. Ons was die enigste gaste en dit was Moedersdag, so ek glo die eienaar het sy deel vir Moedersdag gedoen en sy vrou se pligte vir die dag oorgeneem! Ons verstaan dus, in 'n mate, die probleme wat daar was, maar vir die prys, wat amper gelykstaan aan Bona Bona se tariewe, is dit eintlik nie 'n verskoning nie. Die yskas en TV het nie gewerk nie. Geen slaaibak. Geen melk vir koffie nie. Ons het 'n uur in die donkerte gesit voor die krag aangegaan het. Oggend met load shedding was daar nie waterdruk nie en kon ons nie stort nie. Die pad was baie sleg, maar seker die reën se skuld. Dit is alles dinge wat kan gebeur en daarom sal ons nogsteeds die verblyf aanbeveel.

Vriendelike ontvangs. Netjiese skoon akkommodasie. Lekker lapa om te braai. Vriendelik ontvang deur die gasheer. Die akkommodasie was puik. Lugversorging, TV ens is beskikbaar in chalet. Heerlike ontbyt genuttig.

Dit was te kort! Pragtige selfsorgeenheid. Die reedsgepakte braaivleisvuur het ons baie welkom laat voel. Werklik 'n lieflike plek!

Rustig en gemaklik. Baie dankie vir 'n rustige, gemaklike ervaring. Heerlike aandete en ontbyt was vreeslik lekker. Die eienaars se warm persoonlikhede maak die bestemming sommer nog meer spesiaal. Dis steeds beslis die moeite werd en ons sal beslis weer by Almar gaan kuier.