Fantasties. Die huis is baie goed toegerus. Mens kan sien moeite is gedoen en dit lyk of die huis onlangs oorgedoen is. Ons het ons hond saamgebring en hy het heerlik in die tuin gespeel wat ook genoeg koelte het. Vele kere op die strand gaan stap wat naby is, en ook baie tyd in JBay spandeer wat so 10 minute se ry is vanaf die huis.

Heerlike en netjiese verblyf, stapafstand van Astonbaai se riviermond. Ons het Along for the Tide baie geniet. Dit is loopafstand van Astonbaai se strand en riviermond. Ons het ook ons twee skaaphonde saam gehad en daar was 'n lekker stukkie gras vir die twee agter in die erf. Dit was baie netjies en die verbeteringe aan die huis is baie mooi en prakties. Die beddegoed was netjies en handdoeke skoon en wit. Daar is 'n queen, dubbel en stapelbeddens in die eenheid en een badkamer (nog 'n badkamer in die boonste vertrek sou fantasties gewees het). Die eetkamergedeelte was heerlik om in die aande te sit met die stapeldeure oop. Ek sal met 'n geruste hart die eenheid vir enige iemand aanbeveel.