Amare Cabin

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Blouwildebeeslaan 1253, Marlothpark, 1321, Mpumalanga
Vanaf R1 550 per nag (plek vir 4)

Beskrywing

Amare Cabin is 'n selfsorg-houthuis op die Lion Spruit Reservaat se grens in Marlothpark. Die huis is ideaal vir 'n paartjie met 'n liefde vir die natuur en vrylopende diere wat daagliks kom groet.

Die houthuis beskik oor 2 slaapkamers en 2 badkamers en bied slaapplek aan 2 volwassenes en 2 klein kinders. Die slaapkamer het 'n koninggrootte-bed met 'n muskietnet en 'n dubbelslaapbank in die leefarea. Die eerste badkamer het 'n stort, toilet en 'n wasbak. Die tweede badkamer het 'n dubbelwasbak en 'n losstaande bad.

Die kombuis is met 'n yskas-vrieskas, 'n gasstoof, -oond, 'n ketel, eetgerei en breekware toegerus. Daar is ook 'n rookalarm en brandblusser.

Die leefarea het 2 stoele, 'n rusbank en 'n koffietafel. Daar is bordspeletjies in die onderste laai van die koffietafel. Daar is nie 'n TV nie. Die leefarea lei na die stoep met 'n stoel wat soos 'n voëlnessie lyk en 'n uitsig oor die omgwing bied. Daar is ook 'n tafel en 2 stoele.

Amare Cabin het onbeperkte WiFi, veilige onderdakparkeerplek, 'n plonspoel en 2 houtstoele. Die braai-area is langs die boma en het 'n braaistaander en 'n -rooster.

Daar is 'n gasstoof, ligte wat met sonkrag werk, olielampe en herlaaibare ligte wat tydens beurtkrag gebruik kan word.

Die verblyf het 'n alarmstelsel wat 24 uur beskikbaar is. Gereelde patrollies word regdeur die nag uitgevoer. Die alarmstelsel het 'n paniekknoppie en die deur na die verblyf het 'n sekuriteitshek.

Aktiwiteite op die perseel sluit voëlkyk, begeleide staptogte, swem, fietsry, wildritte en wildkyk in. Al hierdie aktiwiteite is beskikbaar, maar sommige van die aktiwiteite moet vooraf bespreek word en is teen 'n ekstra koste. Spabehandelings kan teen 'n ekstra koste bespreek word en kan by die houthuis plaasvind.

Kry ’n Kwotasie