Dit was baie lekker naby aan alles. Sal weer die webtuiste gebruik. Baie lekker gewees, netjies en veilig en lekker naby aan alles.

Baie lekker gewees. Baie lekker plek en groot met lieflike opsigters.

Heerlik vakansie gehou. Baie goeie kommunikasie voor die tyd met die eienaar. Vriendelik ontvang met die ewig behulpsame Oom Frans en sy vrou. Ons het in die Whale Watcher gedeelte tuis gegaan en die naam is voorwaar gestand gedoen. Walvisse was aan die trek van die Mosambiekse kus en mens kon in die oggende van die balkon met 'n koppie koffie tot laatmiddag by die braaivleis vuur die walvisse se mannewalus aanskou. Twee badkamers met elk 'n bad en stort is voorwaar gerieflik. Ons het dit as basis gebruik om elke dag die Suidkus te verken, maar het baie keer sommer net afgestap na die rotse wat omtrent 'n minuut geneem het. Dit het volkome aan ons behoeftes voldoen en ons sal vir seker in die toekoms weer na Angelfish wil gaan. As albei eenhede saam gehuur word, kan twee of meer gesinne saam op 'n erf bly teen 'n baie bekostigbare prys. Ek kan Angelfish met vrymoedigheid aanbeveel.

Ons het lekker gekuier. Die rotse met laagwater was 'n pluspunt.

Ons kuier was uit die boonste rakke. Sal Desember/Januarie weer wil teruggaan. Uvongo is ons tweede huis.

Een groot gesukkel. Die woonstel het nie 'n oond nie en dit word nêrens genoem op die advertensie nie. Die eerste aand (Woensdag) was daar geen warm water nie en nadat Bongi gekontak is, vroeg die middag, het sy eers die aand kom kyk en toe gesê sy kan niks doen nie ons moet wag tot die volgende dag. Ons het eers Saterdagaand warm water gehad. Daar is 'n oond vir ons gebring wat heeltyd die krag getrip het en die alarm het ook heeltyd afgegaan. Geen hulp is gebied met enige van die probleme nie. Wasgoed mag nie self gewas word nie, dit moet vir Bongi gegee word, want die eienaars wil nie hê gaste moet met die wasmasjien ens. werk nie. Elke keer as Bongi gekontak word, word daar gesê hoe besig sy is en sy kan ons nie nou help nie. Sy sal ook, as sy by die woonstel opdaag, deurloop en aan mens voorskryf hoe jy goed moet doen. Ek sal beslis nie weer my voete by Angelfish sit of dit aanbeveel aan enigiemand nie.

Ons het baie lekker gebly en die tyd vreeslik baie geniet. Die huis is baie skoon en netjies en is toegerus met alles wat jy benodig. Dit is ook baie sentraal geleë. Ons wil ook graag baie dankie sê vir Bongi, sy is baie vriendelik en help graag waar sy kan. Ons het baie lekker daar gebly en sal vir seker weer gaan. Daar kan wel so bietjie aandag gegee word aan die huis, maar niks te ernstig of onoorkombaar nie.

Wow! Heerlik gebly en is weer reg vir ons volgende skof. Dankie! In een woord: Die plekkie het daai wow-gevoel gegee met ons aankoms. Super netjies en skoon. Bongi was gaaf en vriendelik en het als mooi verduidelik wat die alarm betref en was elke keer beskikbaar wanneer ek haar nodig gekry het. Dankie Bongi. Beslis 'n aanbeveling vir enige iemand wat rustigheid soek. Dankie Billy.