AnnVilla Guest House

Gastehuis

Kapasiteit: 52 persone
Alle ouderdomme is welkom
Inkloktyd: 14:00 tot 20:00
Uitkloktyd: 11:00
Adres: Pixiestraat 6, Irenepark, Klerksdorp, 2571, Noordwes
Vanaf R1 390 per nag, vir 2 mense

Beskrywing

AnnVilla Guest House is naby die N12-Skatkisroete wat strek vanaf Johannesburg tot by Kaapstad via Kimberley. Ons groot, omheinde perseel skuil in 'n woonbuurt en ons kamers is noukeurig ingerig om al ons gaste tuis te laat voel.

Ons 16 gastekamers is gerangskik rondom 2 binnehowe genaamd King's Court en Queen’s Court (die name verwys hoofsaaklik na die grootte van die beddens). Kamertipes sluit gesinskamers, 'n rolstoelvriendelike kamer en selfsorgkamers in.

Al ons kamers is ruim en knap uitgelê. Die dekor is Klassiek-Modern, elegant, stylvol, die pastelkleure is gedemp, en die meubels is van 'n goeie gehalte. Die kamers het gerieflike werktafels en genoeg lig so dit is ideaal vir sakereisigers en vakansiegangers.

Gedurende die week word 'n stewige ontbyt-buffet voorgesit. 'n Vinnige ontbyt is beskikbaar, op versoek vooraf, vir diegene wat vroeg uit die vere moet wees. (Ons sit dit in die yskas in jou kamer). Aandete is beskikbaar op versoek gedurende die die lente en die somer (dit moet bespreek word).

Die Victoriaanse hoofhuis se eetkamer is semi-oopplan, en daar is 'n informele sitkamertjie met 'n kroegie wat lei na die konferensielokaal wat ten volle toegerus is. Die antieke meubels, erfstukke, kroonkandelare, oorspronklike skilderye, en kwilte sorg vir 'n weelderige atmosfeer.

Kry ’n Kwotasie